[1]Падзея адбылася ў суботу 23 лютага.
Урачыстасць распачалася са святой Імшы, якую цэлебраваў біскуп Пінскай дыяцэзіі Антоні Дзям’янка. На богаслужэнні прысутнічалі дапаможныя біскупы Мінскай архідыяцэзіі Юры Касабуцкі і Аляксандр Яшэўскі SDB, біскуп Элцкі Ежы Мазур SVD, які ў свой час стаяў у вытокаў часопіса, святары, вернікі.
Прысутнічалі і прадстаўнікі ўсіх каталіцкіх СМІ краіны: часопіса Ave Maria, выдавецтва Pro Christo з Мінска, газеты “Слова жыцця” з Гродзенскай дыяцэзіі,газеты Віцебскай дыяцэзіі “Каталіцкі веснік”, каталіцкага партала Catholic.by. Прамую трансляцыю са свята вяло “Радыё Марыя”. Таксама былі і журналісты з Польшчы, якія прадстаўлялі каталіцкі часопіс Martyria з Элку.
[2]
Гамілію [3] прамовіў біскуп Пінскі Антоній Дзям’янка. У ёй ён узгадаў словы папы Пія Х: “На адзін часопіс болей — на адзін касцёл менш”, а кардынал Мэрціер у свой час гаварыў, што спыніў бы будаўніцтва яшчэ аднаго касцёла, каб заснаваць яшчэ адзін каталіцкі часопіс.
[4]Пасля Імшы адбылася ўрачыстая юбілейная праграма. Першым свой даклад прачытаў прэс-сакратар Канферэнцыі Каталіцкіх Біскупаў у Беларусі ксёндз канонік Юрый Санько. Ён меў назву “Евангелізацыя праз сродкі масавай камунікацыі”.
Дакладчык звярнуў увагу на тое, што не гледзячы на вялікі тэхнічны прагрэс, з’яўленне Інтэрнэту і мабільных тэлефонаў, мы вельмі часта не разумеем адзін аднаго. Людзі часта адыходзяць ад Бога. Таму, па словах Мітрапаліта Тадэвуша Кандрусевіча, нам неабходна новая евангелізацыя. І гэтай справай павінны займацца не толькі святары, але і ўсе вернікі. Таму новыя тэхнічныя сродкі павінны дапамагаць у гэтай справе.
Наступным выступоўцам быў біскуп Элкскі Ежы Мацур SVD. Ён падзяліўся сваімі ўспамінамі пра пачатак працы айцоў-вербістаў у Беларусі, пра тое, як узнікла ідэя выдаваць часопіс, як выбіралі для яго назву, з якімі цяжкасцямі даводзілася сутыкацца ў першыя гады працы.
Ад 1994 года пабачылі свет 274 нумары часопіса. Наклад першага нумара быў 200 экзэмпляраў, друкавалі яго на ксераксе. А наклад трэцяга нумара быў ужо 3,5 тысячы. Часопіс сталі друкаваць у Слонімскай друкарні, дзе ён друкуецца і зараз. Быў час, калі наклад выдання сягаў да 13,5 тысяч, зараз ён выходзіць накладам 4 тысячы.
Біскуп Антоні Дзям’янка распавёў пра гісторыю каталіцкага друку [5] ў Беларусі. Ён адзначыў, што нашы продкі здаўна карысталіся друкаваным словам, на тэрыторыі сучаснай Беларусі было 14 друкарняў, дзе друкаваліся розныя рэлігійныя кнігі.
[6]З віншаваннямі выступілі таксама прадстаўнікі каталіцкіх сродкаў масавай інфармацыі Беларусі, былі зачытаны віншаванні з нагоды юбілею часопіса ад біскупа Віцебскага Алега Буткевіча, біскупа Гродзенскага Аляксандра Кашкевіча, Баранавіцкага гарвыканкама, Слонімскай друкарні, дзе на працягу 25 гадоў друкуецца “Дыялог”.
У перапынках паміж выступамі гучала музыка, якую выканаў квартэт Баранавіцкага музычнага каледжа.
Напрыканцы ўсе жадаючыя маглі наведаць выставу “Дарогаю Бібліі”.
-
[7]
-
[8]
-
[9]
-
[10]
-
[11]
-
[12]
-
[13]
-
[14]
-
[15]
-
[16]
-
[17]
-
[18]
-
[19]
-
[20]
-
[21]
-
[22]
-
[23]
-
[24]
-
[25]
-
[26]
-
[27]
-
[28]
-
[29]
-
[30]
-
[31]
-
[32]
-
[33]
-
[34]
-
[35]
-
[36]
-
[37]
-
[38]
-
[39]
-
[40]
-
[41]
Больш здымкаў можна пабачыць тут [42]
Відэарэпартаж чакайце на нашым сайце пазней
Зміцер Лупач