[1]У араторыі імя св. Яна Боска пры парафіі св. Яна Хрысціцеля ў Мінску з 26 па 28 снежня адбываліся вакацыі з Богам. Дзеці і падлеткі працягвалі разважаць над тэмай “Разам з Янам Боска крочым і дайсці да Неба хочам”, якую распачалі падчас восеньскіх вакацый. На гэты раз разважалі над юнацтвам святога Яна Боска.
На працягу трох дзён дзеці абмяркоўвалі тэмы працы і сяброўства: праца, якая з’яўляецца білетам у Неба, і сяброўства, якое з’яўляецца скарбам. Дзеці таксама атрымлівалі дамашняе заданне, якое павінны былі выканаць разам з бацькамі: знайсці думкі святых пра працу і напісаць дзесяць запаведзяў сяброўства. Падчас гурткоў удзельнікі вакацый маглі падрыхтаваць якісьці падарунак або святочную паштоўку для сваіх родных ці сяброў.
[2]
Апошні дзень атрымаўся вельмі незвычайным для ўдзельнікаў. Ужо раніцай дзецям былі прапанаваны цікавыя эстафеты, якія былі звязаны з жыццём святога Яна Боска. Потым адбылася святая Імша і аплаткавая сустрэча дзяцей Мінска-Магілеўскай архідыяцэзіі з біскупам Юрыем Касабуцкім.
[3]
Завяршыліся вакацыі тэлепраграмай, якая дапамагла ўдзельнікам успомніць усё, што яны перажывалі і пазнавалі падчас усіх вакацый, падзяліцца сваімі ўражаннямі і выказаць словы падзякі адзін аднаму за цудоўны час, праведзены разам.
[4]
Падчас слоўка с. Дар’я Еўтухоўская FMA расказала гісторыю з жыцця святога Яна Боска, якая распавядала пра аднаго сябра, з якім кс. Боска дзяліў усё напалам, і пажадала ўсім знайсці і мець такога сябра, а таксама не забываць аб галоўным сяброўстве ў жыцці кожнага хрысціяніна – сяброўстве з Езусам.
sdb.by [5]