8 жніўня ў грэка-каталіцкім Душпастырскім цэнтры Праведнага Язэпа ў Мінску адбылася прэзентацыя богаслужбовага выдання «Псалтыра» ў перакладзе на беларускую мову айца Аляксандра Надсана.
Праца над «Псалтыром» стала справай апошніх гадоў жыцця для беларускага святара, які жыў у Лондане.
[1]
Прэзентацыя была прымеркаваная да 90-х угодкаў з дня ягонага нараджэння. На пачатку адбылася Боская Літургія і Паніхіда.
[2]
[3]
Пасля малітвы прайшла прэзентацыя юбілейнага выдання. Са словам да прысутных звярнуўся архімадрыт Сяргей Гаек.
[4]
Скульптар Генік Лойка прадставіў праект помніка айцу Аляксандру Надсану.
Айцец Аляксандар Надсан пайшоў з жыцця 15 красавіка 2015 году ў Лондане.
Айцец Аляксандар Надсан — святар Беларускай грэка-каталіцкай царквы, апостальскі візітатар, выбітны дзеяч беларускай эміграцыі, аўтар шэрагу кніг па гісторыі Беларусі, перакладчык літургічных тэкстаў візантыйскага абраду на беларускую мову.
svaboda.org [5]