[1]Урачыстасць Найсвяцейшага Сэрца Езуса Каталіцкі Касцёл адзначае ў пятніцу пасля актавы Божага Цела.
16 чэрвеня адбылася адпустовая ўрачыстасць у парафіі Найсвяцейшага Сэрца Езуса ў Крулеўшчыне. На пачатку святой Імшы пробашч парафіі кс. Юрый Бараўнёў сардэчна прывітаў ксяндза-дэкана Уладзіміра Шымковіча з Параф’янава.
Урачыстая Імша, якую ўзначаліў кс. Уладзімір Шымковіч, была ахвяравана за ўсіх вернікаў парафіі і пробашча.
Падчас казання кс. Уладзімір падкрэсліў, што гэтая ўрачыстасць выражае праўду, аб якой гаварыў святы апостал Ян: «Бог ёсць Любоў». Гэта ўрачыстасць паказвае сімволіку сэрца, што выражае любоў. Найбольш яскравы сімвал Божай любові – Сэрца Езуса, прабітае на крыжы.
Развіццё культу Божага Сэрца распачалося пасля аб“ўленняў Пана Езуса святой Маргарыце Алякок, французскай манахіні-містычцы. Вялікім шанавальнікам набажэнства да Найсвяцейшага Сэрца Езуса быў Папа Леў ХІІІ. У 1899 г. Папа прысвяціў Сэрцу Езуса Касцёл і ўвесь род чалавечы.
[2]
Найбольш папулярныя формы культу Сэрца Езуса, акрамя ўрачыстасці, чэрвеньскае набажэнства да Сэрца Езуса, літанія да Найсвяцейшага Сэрца Езуса і прысвячэнне роду людскога Сэрцу Езуса. Таксама святар напомніў абяцанні Езуса для шанавальнікаў Божага Сэрца і заахвоціў вернікаў выхоўваць сваё сэрца. Пілотам сэрца павінен быць розум. Вера дапамагае розуму. Воля схіляе сэрца, каб яно магло любіць.
Затым прысутныя ўшанавалі святыя рэліквіі.
[3]
Перад Найсвяцейшым Сакрамантам была праспяваная літанія да Найсвяцейшага Сэрца Езуса.
На заканчэнне ўрачыстасці прагучаў спеў «Цябе, Бога, праслаўляем».
-
[4]
-
[5]
-
[6]
-
[7]
-
[8]
-
[9]
-
[10]
-
[2]
-
[1]
-
[11]
-
[12]
-
[13]
-
[14]
-
[15]
-
[16]
-
[17]
-
[18]
-
[3]
-
[19]
-
[20]
-
[21]
-
[22]
Алена Пажога, тэкст;
Леанід Юрык, фота