[1]У нядзелю 13 кастрычніка ў Віцебску пройдуць заключныя ўрачыстасці з нагоды 25-гадовага юбілею з часу ўтварэння Віцебскай дыяцэзіі — самай маладой каталіцкай дыяцэзіі ў Беларусі.
Віцебская рыма-каталіцкая дыяцэзія была ўтворана 13 кастрычніка 1999 года Святым Айцом Янам Паўлам II на моцы Апостальскай Канстытуцыі Ad aptius consulendum.
У сам дзень 25-гадовага юбілею ў віцебскім катэдральным касцёле Езуса Міласэрнага адбудзецца святкаванне з удзелам каталіцкага епіскапату Беларусі, мясцовых вернікаў і гасцей.
Праграма святкавання:
- 11.00 – прэзентацыя гісторыі Віцебскай дыяцэзіі;
- 11.30 – святая Імша з удзелам біскупаў з усёй Беларусі. Кожны ўдзельнік атрымае сюрпрыз ад біскупа Віцебскага Алега Буткевіча;
- 12.45 – сустрэча з біскупамі і вернікамі парафій Віцебска на культурным мерапрыемстве ў парафіяльнай кавярні. Прэзентацыя фотаздымкаў з гісторыі віцебскай катэдральнай парафіі, успаміны пра мінулае, планы на будучыню;
- 16.35 – ад’езд аўтобуса ад касцёла Святога Духа (вул. Чкалава, 5 А) у дыяцэзіяльны санктуарый Маці Божай Фацімскай у Шуміліне.
Адрас: катэдральны касцёл Езуса Міласэрнага, г. Віцебск, вул. Воінаў-інтэрнацыяналістаў, 28.
Catholic.by [2]