[1]10 мая ў Віцебскай катэдры адбыўся фінал Дыяцэзіяльнага конкурсу на веданне Святога Пісання-2025. Упершыню ў гэтым годзе змаглі прыняць удзел не толькі дзеці, але і дарослыя. Усе ўдзельнікі былі падзелены на тры ўзроставыя катэгорыі і паказвалі свае веды Бібліі па тэме «Ад Апошняй Вячэры да Унебаўшэсця Пана».
У фінале прынялі ўдзел 74 асобы: 27 дзетак з малодшай катэгорыі (7-11 гадоў), 31 — з сярэдняй (12-17 гадоў), 16 дарослых ад 18 гадоў) з 15 парафій Віцебскай дыяцэзіі, 9 парафій Мінска-Магілёўскай архідыяцэзіі і 1 парафіі Гродзенскай дыяцэзіі.
Пасля рэгістрацыі ўдзельнікі накіраваліся ў катэдральны касцёл, каб распачаць гэты конкурс супольнай св. Імшой і малітвай. Цэлебрацыю літургіі ўзначаліў біскуп Віцебскі Алег Буткевіч, які шчыра прывітаў фіналістаў: “Вельмі рады вас сустракаць на гэтым важным мерапрыемстве. І незалежна ад вынікаў кожны з вас, кожны хто ўзяў удзел, ужо пераможца. Вы тыя, хто наблізіліся да Божага слова і вельмі спадзяюся, што гэтае слова нікога і ніколі не пакіне без перамен, і зробіць вас на крок бліжэй да святасці”
[2]
Конкурс праходзіў у два этапы. Першы доўжыўся 45 хвілін. Пасля таго, як адказы былі правераныя, журы адабрала па 7 лепшых работ удзельнікаў з кожнай катэгорыі, якія былі дапушчаны да напісання другога этапу. Другі этап доўжыўся 20 хвілін.
[3] 
[4]
Пераможцамі I катэгорыі (да 11 год) сталі:
- 1 месца – Басько Максім– парафія св. Яна Хрысціцеля г. Мінск;
- 2 месца – Лобач Ксенія– парафія св. Міхала Арханёла г. Смаргонь;
- 3 месца – Рэцікаў Давід– парафія Найсвяцейшага Сэрца Езуса г. Наваполацк;
Пераможцамі II катэгорыі (да 17 год) сталі:
- 1 месца – Сулім Павел– парафія Маці Божай Фацімскай гп. Шуміліна;
- 2 месца – Адамовіч Васіліса – парафія св. Андрэя Баболі г. Полацк;
- 3 месца – Сёмчык Ілля— парафія св. Роха г. Мінск.
Пераможцамі III катэгорыі (ад 18 год і старэй) сталі:
- 1 месца – Лукашэнка Любоў– парафія Езуса Міласэрнага г. Віцебск;
- 2 месца – Бярдоўская Ірына – парафія Езуса Міласэрнага г. Віцебск;
- 3 месца – Канцова Ірына— парафія Святога Духа г. Віцебск;
Кожны ўдзельнік фіналу атрымаў з рук біскупа Алега дыплом і заслужаны падарунак.
[5]
Дырэктар Карытас Віцебскай дыяцэзіі кс. Віктар Місевіч шчыра падзякаваў усім, хто прычыніўся да правядзення конкурсу, асабліва партнёрам за фінансавую падтрымку, с. Марыі Шамовіч BDNP за падрыхтоўку, клопат і арганізацыю, супрацоўнікам і валанцёрам за працу па забеспячэнні мерапрыемства.
[6]
[7]
Агульны фотаздымак усіх удзельнікаў з падарункамі, катэхетаў і арганізатараў будзе яшчэ доўга захоўваць добры настрой і памятныя моманты гэтай сустрэчы.
[8]
Арганізатарам Конкурсу, які адбыўся ў Віцебскай дыяцэзіі ў сёмы раз, з’яўляецца Карытас Віцебскай дыяцэзіі.
-
[9]
-
[2]
-
[10]
-
[11]
-
[12]
-
[13]
-
[14]
-
[15]
-
[16]
-
[17]
-
[18]
-
[19]
-
[1]
-
[3]
-
[20]
-
[21]
-
[22]
-
[23]
-
[4]
-
[24]
-
[25]
-
[26]
-
[6]
-
[7]
-
[27]
-
[28]
-
[29]
-
[30]
-
[31]
-
[32]
-
[33]
-
[34]
-
[35]
-
[36]
-
[37]
-
[38]
-
[5]
-
[39]
-
[40]
-
[41]
-
[8]
-
[42]
Марына Сінкевіч, тэкст
Леанід Юрык, фота