[1]19 чэрвеня ў касцёле Святога Міхала Арханёла ў Навагрудку адбылося асвячэнне адноўленага алтара Святога Крыжа, які разам з будынкам касцёла быў знішчаны бальшавікамі пасля ІІ Сусветнай вайны.
Урачыстую святую Імшу ўзначаліў арцыбіскуп Тадэвуш Кандрусевіч. У гаміліі іерарх раскрыў сутнасць Крыжа Хрыстаа, а на заканчэнне Імшы асвяціў адноўлены алтар.
Пасля адбылося адкрыццё выставы мастацкіх твораў Анатоля Наліваева пад назвай «Храмы Радзімы». На пляцоўцы перад касцёлам пры уваходзе ў будынак, дзе знаходзіцца выстава, усіх прысутных прывітаў пробашч парафіі кс. Юрый Жэгарын і адзначыў, што Каталіцкі Касцёл заўсёды падтрымліваў сапраўдную культуру.
Пасля свае словы прамовілі арцыбіскуп Тадэвуш Кандрусевіч, прадстаўнік сям’і Наліваевых і мастацтвазнаўца з Мінску спадарыня Ларыса Міхневіч. Адкрыццё выставы завяршылася пераразаннем чырвонай стужкі арцыбіскупам Тадэвушам і сябрам мастака Анатоля Наліваева, спадаром Юрыем Пташынскім.
[2]
Кожны прысутны меў магчымасць наведаць выставу і праслухаць экскурсію па прадстаўленых мастацкіх творах.
-
[3]
-
[4]
-
[5]
-
[6]
-
[1]
-
[7]
-
[8]
-
[2]
-
[9]
Марына Раманчук