[1]Ілюстрацыйнае фота
29 лістапада 2025 г. праект «IT FOR CHRIST» запрашае на трэцюю па ліку хрысціянскую IT-канферэнцыю, якая адбудзецца ў Мінску па адрасе вул. Серафімовіча, 19.
Тэма гэтага года: «Вы — соль зямлі».
Аб канферэнцыі
Мерапрыемства аб’яднае IT-спецыялістаў, медыя- і digital-прафесіяналаў, духавенства і служыцеляў, якія імкнуцца паяднаць прафесійныя навыкі з хрысціянскімі каштоўнасцямі.
У праграме: рэгістрацыя, святая Імша, натхняючыя даклады, прэзентацыі хрысціянскіх IT-праектаў, дыскусійная панэль на тэму служэння ў тэхналогіях і нэтворкінг.
Для каго:
- распрацоўшчыкі, тэсціроўшчыкі, прадукт-менеджары і іншыя спецыялісты IT;
- дызайнеры, маркетолагі, кантэнт-крэатары і медыя-спецыялісты;
- святары, служыцелі, прадстаўнікі касцёльных рухаў, якія выкарыстоўваюць або жадаюць выкарыстоўваць тэхналогіі ў служэнні.
Чаму важна прыняць удзел?
Час тэхналогій патрабуе ад хрысціян не толькі прысутнасці, але актыўнага ўдзелу і служэння праз свае таленты.
Гэтая канферэнцыя — гэта магчымасць:
- натхніцца практычнымі гісторыямі рэалізацыі IT-праектаў з хрысціянскім фокусам;
- набыць навыкі і настроіцца на служэнне праз прафесію;
- знайсці аднадумцаў, партнёраў і настаўнікаў;
- стаць часткай руху, дзе вера і тэхналогіі ідуць рука аб руку.
Ключавыя моманты праграмы:
09.00 — рэгістрацыя ўдзельнікаў;
10.00 — святая Імша;
11.30 — даклад ад аўтара праекта «Паўсюдны Касцёл па-руску» («Вселенская Церковь по-русски») ;
12.30 — даклад «Servant Leadership у дзеянні» ад Сяргея Саніковіча;
14.30 — прэзентацыі хрысціянскіх IT-праектаў-выпускнікоў CARLO CLUB, ПЕСЕННІК, ZORA.BY, YANKA;
16.30 — дыскусійная панэль: служэнне, выклікі, выгаранне;
18.00 — нэтворкінг і нефармальная камунікацыя.
Рэгістрацыя і ўдзел
Рэгістрацыя абавязковая, удзельнікі павінны запоўніць форму на сайце [2].
Канферэнцыя бясплатная, але арганізатары вітаюць ахвяраванне для пакрыцця выдаткаў.
catholic.by [3]