[1]Манаская супольнасць Сясцёр місіянерак Святой Сям’і запрашае прыняць удзел у Пятым адкрытым фестывалі мастацтваў «Вясёлка талентаў» для дзяцей з асаблівасцямі псіхафізічнага развіцця, які сёлета пройдзе ў Баранавічах 18 мая.
Мерапрыемства адбываецца штогод з нагоды святкавання Дня абароны дзяцей.
Дэвіз сёлетняга фестывалю — «Так нараджаюцца зоркі».
Арганізатары звяртаюцца да ўсіх зацікаўленых асаоб з запрашэннем: «Калі ў вашым асяроддзі ёсць знаёмыя „асаблівыя“ дзеці, якія жадаюць падзяліцца сваімі здольнасцямі з іншымі і паказаць свае таленты, падкажыце ім пра магчымасць выступіць на фестывалі «Вясёлка талентаў».
Сёстры місіянеркі Святой Сям’і шчыра запрашаюць усіх ахвотных і зацікаўленых прыняць удзел у фестывалі ў якасці удзельнікаў, а таксама гледачоў, каб сваёй прысутнасцю падтрымаць выступоўцаў.
Фестываль адбудзецца 18 мая ў Палацы культуры «Тэкстыльшчык» у Баранавічах. Пачатак а 11-й гадзіне.
Праграма фестывалю
- 10.30 – 11.00 — прыезд удзельнікаў і рэгістрацыя
- 11.00 — адкрыццё выставы конкурсных прац
- 12.00 – 14.30 — выступленні ўдзельнікаў
- 14.30 – 15.00 — узнагароджанне ўсіх удзельнікаў
- 15.15 — ад’езд
З правіламі ўдзелу можна пазнаёміцца ТУТ>>> [2]
Спасылка для рэгістрацыі ТУТ>>> [3]
Тэлефон для даведак: +375 (29) 820 08 40 [4] (МТС)
Catholic.by [5]