[1]«Свет абраза» – выстава абразоў мастачкі Ядвігі Сянько з Маладзечна адкрылася ў Глыбоцкім гісторыка-этнаграфічным музеі. На ёй прадстаўлена больш за сорак праваслаўных і каталіцкіх абразоў. Таксама на выставу прадствіў святарскія рэчы, рэлігійныя прадметы і старыя абразы касцёл Святой Тройцы ў Глыбокім.
Як кажа навуковая супрацоўніца Глыбоцкага гісторыка-этнаграфічнага музея Маргарыта Кажанеўская, вельмі добра і прыемна, што духавенства пайшло на дыялог. – Яны прадаставілі абразы 18 стагоддзя. Вельмі прыемна дакранацца да гісторыі царквы ў нас на Глыбоччыне. Сапраўды энергетыка проста неверагодная.
[2]
Выстава «Свет абраза» будзе доўжыцца да 3 чэрвеня. На ёй кожны жадаючы зможа нават набыць абраз, напісаны Ядвігай Сянько. Працы мастачкі можна ўбачыць як у храмах Беларусі, так і ў музеях. А таксама ў прыватных калекцыях беларусаў і замежнікаў.
[3]
Таццяна Смоткіна