[1]150 канфесіяналаў у спецыяльна абсталяваным «Парку прабачэння» будуць служыць дзеля таго, каб тысячы пілігрымаў, якія прымуць удзел у Сусветных днях моладзі ў Лісабоне, змаглі прыступіць да сакраманту пакаяння і паяднання.
Вырабам канфесіяналаў займаліся зняволеныя з турмаў у Каімбры, Паса-дэ-Ферэйра і Порту. Гэтая ініцыятыва з’яўляецца вынікам супрацоўніцтва паміж галоўным упраўленнем рэінтэграцыі і пенітэнцыярных службаў і Фондам СДМ у Лісабоне-2023.
У кожным канфесіянале святар будзе гатовы прыняць і выслухаць споведзь маладых пілігрымаў на розных мовах, каб яны маглі адчуць любоў і міласэрнасць Бога.
Канфесіяналы будуць выкананы з экалагічна чыстых матэрыялаў, а таксама прызначаны для маламабільных груп насельніцтва. Напрыклад, сядзенні будуць здымнымі, каб, пры неабходнасці, размясціць інваліднае крэсла. Дызайн канфесіяналаў будзе нагадваць тыповыя дамы асобных рэгіёнаў Партугаліі. Яны адкрытыя і маюць выяву крыжа і ружанца.
CREDO [2]са спасылкай на aleteia.org [3]
пераклад Марыны Ткач