[1]З 30 чэрвеня па 6 ліпеня запланавана Салезіянская моладзевая евангелізацыйная пілігрымка ў Нацыянальны санктуарый у Будславе. Завершыцца яна ўрачыстасцю ў гонар Маці Божай Будслаўскай.
За шэсць дзён пілігрымкі яе ўдзельнікі пераадолеюць 105 кіламетраў шляху.
Пілігрымы будуць жывымі сведкамі Хрыста, евангелізуючы людзей, якіх сустрэнуць, паўдзельнічаюць у рэкалекцыях, будуць працаваць у групах, убачаць прыгожыя краявіды нашай бацькаўшчыны і, канешне, занясуць свае інтэнцыі да Маці Божай Будслаўскай!
У пілігрымку запрашаюцца ўдзельнікі, узрост якіх ад 14 да 35 гадоў і стан здароўя якіх адпаведны для таго, каб ісці пяшком шэсць дзён запар.
Пры сабе неабходна мець:
- зручны абутак;
- заплечнік;
- рэчы асабістай гігіены;
- посуд;
- спальнік;
- дажджавік;
- палатку ці месца ў палатцы сябра.
Арганізатары нагадваюць пра неабходнасць сціплага стылю адзення падчас пілігрымкі.
Для ўдзелу неабходна зарэгістравацца анлайн ТУТ>> [2]
Рэгістрацыя працягваецца да 19 чэрвеня ўключна.
Па ўсіх пытаннях звяртацца па тэлефоне: +375(29) 122-32-44 — кс. Алег Каралёў SDB.
sdb.by [3]