[1]Пілігрымка вырушыць з Росіцы 28 чэрвеня і будзе трываць восем дзён, як і ў мінулыя гады. Кіраўнік пілігрымкі а. Аляксандр Жарнасек МІС шчыра запрашае зацікаўленых да ўдзелу, паведамляе viartannie.org [2].
Неабходныя рэчы для ўдзельніка:
- ружанец і малітоўнік
- добры абутак, найлепш не новы
- галаўны ўбор (пажадана з большымі краямі)
- спальнік і турыстычны карымат (ён таўсцейшы і больш плотны чым коўрык для фізічных заняткаў). Як і ў мінулыя гады плануем начаваць адзін раз у школе, але гэтым разам не будзе надуўных матрасаў
- плашч або дажджавік
- асабістыя лекі, а таксама крэм ад камароў і ад загара
- міска, кубак, лыжка, бутэлька для вады
- заплечнік на дзень у дарогу і сумка на начлег
- ежу з сабой можна не браць, паколькі на начлегах пілігрымаў кормяць людзі, часам сустракаюць пачастункам сярод дня, а ў некаторых месцах будзе арганізаваны пасілак супольны
Ахвяра на арганізацыйныя справы — 50 рублёў
[3]
У Будславе не будзе супольнага лагеру для начлегу, паколькі амаль усе нашыя пілігрымы раз’язджаюцца. Таму просьба самастойна прадумаць час побыту ў Будславе і вяртанне дадому
Абавязковы запіс і іншая інфармацыя: +37529 713-02-33 [4] а. Аляксандр