[1]Ілюстрацыйнае фота
Парафія, якой апякуюцца айцы паўліны ў Скуржэве, недалёка ад Познані, увяла незвычайны «прайс-ліст» на карыстанне паркоўкай.
«Паважаныя парафіяне, як вы ведаеце, у мінулым годзе мы адрамантавалі паркоўку перад касцёлам. На жаль, з-за высокай цікавасці да самай прыгожай паркоўкі ў Скуржэве, мы вымушаныя ўвесці плату за паркоўку па цане, паказанай на шыльдах, якія вісяць на ўездзе. Гэта не жарт! Паркуйцеся і маліцеся», — чытаем на старонцы парафіі святых Марціна і Вінцэнта і благаслаўлёнага Стэфана Вышынскага ў Facebook.
[2]
Плата за паркоўку:
- прыпынак «на імгненне» — кароткі акт малітвы.
- да 1 гадзіны — 1 раз «Ойча наш».
- да 2 гадзін — 1 раз «Ойча наш», 1 раз «Вітай, Марыя».
- да 3 гадзін — дзесятка ружанца за ўсіх кіроўцаў.
- да 4 гадзін — Літанія да Маці Божай у інтэнцыі парафіі.
- увесь дзень — Таямніца ружанца за ўсіх кіроўцаў і пешаходаў.
Святыя Імшы, набажэнствы і парафіяльныя сустрэчы — бясплатна — ласка не мае лічыльніка паркоўкі.
Мы не выпісваем штрафы. Сумленне працуе кругласутачна.
Неахоўваемая тэрыторыя. Кіроўца (і яго Анёл-Ахоўнік) нясуць адказнасць за пакінуты прыпаркаваным транспартны сродак.
Паводле misyjne.pl [3]
Пераклад Марыны Ткач