[1]У парафіі Святой Тройцы ў Глыбокім 23 і 24 мая адбыліся дзве падзеі, якія аб’яднала ўрачыстасць Спаслання Духа Святога. Спачатку да Першай Камуніі праз сакрамант пакаяння рыхтаваліся 62 маленькіх глыбачан, а потым да дарослага жыцця — выпускнікі.
23 мая пасля школьных лінеек у касцёл прыйшлі адзінаццацікласнікі. Некаторыя — у форме, некаторыя — у стужках выпускнікоў.
Пробашч ксёндз Мікалай Ціхановіч не чытаў доўгіх павучанняў. Ён сказаў галоўнае: «Будзем прасіць Госпада аб блаславенні для вас, каб у гэтым свеце вы не загубіліся, не згубілі тыя каштоўнасці, якія атрымалі праз выхаванне сваіх бацькоў і настаўнікаў».
А потым прагучалі словы бацькам, што сядзелі ў задніх лавах: «Не выхоўвайце вашых дзяцей, бо ўжо позна. Проста любіце іх».
Выпускнікі прыйшлі розныя — хтосьці бывае ў касцёле штодня, хтосьці — раз у год. Але калі святар благаслаўляў іх па адным, кожны падышоў. І кожны атрымаў не проста благаслаўленне, а падтрымку не баяцца новага этапу.
-
[2]
-
[3]
-
[4]
-
[5]
-
[6]
-
[7]
Першая Камунія 24 мая — гэта не проста адзін дзень. За ім стаялі два гады заняткаў. І апошнія некалькі месяцаў перад святам — асобны выклік.
У нядзельнай Імшы дзеці самі неслі да алтара дары — хлеб і віно, якія стануць Целам і Крывёй Хрыста. Для іх гэта быў не проста рытуал, а першы свядомы ўдзел у літургіі.
Ксёндз Мікалай падчас гаміліі сказаў дзецям тое, што застанецца з імі надоўга: «Заўсёды будзьце сябрамі Езуса. Каб праз некалькі год, калі будзеце выпускнікамі, мы пабачылі, колькі сяброў засталося».
А потым нечакана звярнуўся да татаў, якія не вельмі практыкуюць сваю веру і прыйшлі ў гэты дзень у святыню з-за дзіцяці: «Зрабіце сабе выклік — пастанавіце ад сёння штонядзелю быць на Імшы. Так вы адкрыеце наноў свае адносіны з Езусам і таксама станеце Яму сябрам».
-
[8]
-
[9]
-
[10]
-
[11]
-
[12]
-
[13]
-
[14]
-
[15]
-
[16]
-
[17]
-
[18]
-
[19]
Першакамунійныя дзеці і выпускнікі — гэта два пакаленні, якія амаль адначасова зрабілі крок наперад. Адны — да алтара. Другія — у вялікі свет.
Марына Сінкевіч