[1]Пасля аперацыі на правым лёгкім Папа Леў XIV пакідае клініку «Джэмэлі» і вяртаецца ў Ватыкан. Заўтра ён памоліцца «Анёл Панскі» з акна сваіх апартаментаў.
У суботу, 17 кастрычніка 2026 года, Папа Леў XIV выпісваецца з клінікі «Джэмэлі», дзе яму зрабілі аперацыю на правым лёгкім. Паводле Залы Друку Святога Пасада, Папа выедзе з клінікі ў другой палове дня і вернецца ў Ватыкан.
Рашэнне пра выпіску ўрачы прынялі раніцай. Доктар Луіджы Карбонэ і прафесар Стэфана Маргарытора паведамілі, што Святы Айцец можа пакінуць клініку: гэта пацвердзілі аналізы крыві, рэнтгенаўскі здымак грудной клеткі і агульны стан пацыента.
Апоўдні, яшчэ ў клініцы, Папа будзе цэлебраваць Імшу ў спецыяльна абсталяванай зале на 10-м паверсе клінікі «Джэмэлі». Ужо заўтра, у нядзелю, 18 кастрычніка 2026 года, Папа Леў XIV узначаліць малітву «Анёл Панскі» з акна папскіх апартаментаў.
Кс. Аляксандр Амяльчэня — беларуская рэдакцыя Vatican News [2]