[1]Спецыяльныя транспартныя сродкі, з улікам рэкамендацый ватыканскай жандармерыі і авіяперавозчыка, былі выраблены італьянскай кампаніяй.
Два ўнікальныя электрамабілі — вынік спалучэння інжынернага праектавання і высокай кампетэнтнасці і ручной працы людзей, якія ствараюць эксклюзіўныя транспартныя сродкі для прыватных паездак Святога Айца, і перш за ўсё для выкарыстання падчас апостальскіх падарожжаў. Такі падарунак Папе Льву XIV прыгатавала каманда італьянскай кампаніі «Exelentia»разам з групай»Club Car».
Дэлегацыя, у якую ўваходзілі прадстаўнікі абедзвюх кампаній — як кіраўнікі, так і механікі, якія працавалі на вытворчасці, — асабіста перадала электрамабілі Святому Айцу ў пачатку ліпеня 2025 года падчас яго візіту ў летнюю рэзідэнцыю ў Кастэль-Гандольфа, паведамляе Vatican News.
Стандарты бяспекі і ўстойлівага развіцця.
Два спецыяльныя транспартныя сродкі, створаныя на базе электрамабіля вытворчасці Garia, якая ўваходзіць у групу Club Car, былі персаналізаваны ўручную.
Была праведзена дбайная тэхнічная апрацоўка, якая, у прыватнасці, уключала павышэнне агульнай экалагічнасці транспартнага сродку, а таксама дасягненне найвышэйшых стандартаў бяспекі — улічваючы неабходнасць перавозкі на борце самалёта падчас міжнародных паездак Папы.
[2]
Уваходныя дадзеныя для рэалізацыі праекта паступілі ад ватыканскай жандармерыі, якая ўхваліла яго асобныя этапы. Камандная праца была накіравана на захаванне максімальнай эфектыўнасці, што падкрэслівалася кампактнымі памерамі і манеўранасцю транспартнага сродку, асабліва пры руху ў абмежаванай прасторы і на маршрутах з высокай шчыльнасцю пешаходаў.
Зручная транспарціроўка.
Гэтыя электрамабілі можна зручна і бяспечна перавозіць самалётамі, якія ажыццяўляюць далёка магістральныя рэйсы, без неабходнасці іх разборкі, што значна палягчае пасадку і разгрузку і скарачае час лагістыкі. Значны ўклад у ўнікальнасць праекта зрабіла авіякампанія «ITA Airways», якая дапамагла вызначыць тэхнічныя характарыстыкі, у прыватнасці, памеры абсталявання і крапежныя элементы, неабходныя для пагрузкі на самалёт.
Акрамя таго, для павышэння зручнасці выкарыстання быў мадыфікаваны кузаў: дададзены пярэдняя ручка і бакавыя апоры, размешчаныя пад падлакотнікамі. Гэта павінна забяспечыць надзейнае ўтрыманне і зручнасць пры пасадцы і высадцы з транспартнага сродку, які цяпер лепш падыходзіць для падтрымкі і суправаджэння публічных выступаў Святога Айца.
credo.pro [3]
пераклад Марыны Ткач