[1]16 кастрычніка парафія святога Язафата Кунцэвіча ў вёсцы Канстанцінава перажыла гістарычную і духоўна ўзнёслую падзею – туды ўрачыста прыбылі спісы найбольш шанаваных цудадзейных абразоў Найсвяцейшай Панны Марыі, якія здзяйсняюць пілігрымку па Глыбоцкаму дэканату Віцебскай дыяцэзіі.
Сустрэча святых выяў Багародзіцы адбылася з удзелам шматлікіх вернікаў, якія з глыбокай пашанай і малітвай сустрэлі абразы каля сваёй святыні. Прыгожымі восеньскімі кветкамі была выслана дарога ад брамы святыні да алтара Пана, праз якую парафіяне працэсіяй унеслі абразы ў касцёл.
На пачатку набажэнства са словамі шчырага прывітання да прысутных звярнуўся пробашч канстанцінаўскай парафіі кс. Валеры Орсік. Ён выказаў глыбокую радасць, што Марыя таксама адгукнулася на просьбу парафіяльнай супольнасці наведаць сваіх дзяцей.
[2]
“Сёння наша парафія перажывае асаблівы дзень, напоўнены Божай прысутнасцю і мацярынскай любоўю Найсвяцейшай Панны Марыі. Прыбыццё гэтых цудадзейных абразоў – не проста прыгожая падзея, гэта вялікі дар і час ласкі для кожнага з нас. Маці Божая прыходзіць у наш дом, у наш касцёл, каб выслухаць кожнае сэрца, суцешыць у смутку і ўмацаваць у веры. Я шчыра вітаю сапраўднага “апостала перэгрынацыі” ксяндза прэлата Уладзіслава Завальнюка і дзякую за яго руплівасць, а таксама заклікаю ўсіх парафіянаў і гасцей на працягу гэтых дзён няспынна трываць у малітве перад гэтымі святымі выявамі, адкрываючы свае душы для Божых ласкаў”, – дадаў душпастрыр парафіі.
Падчас святой Імшы з глыбокай і натхняльнай гаміліяй да вернікаў звярнуўся кс. Уладзіслаў, які падкрэсліў гістарычнае і прароцкае значэнне малітоўнага падарожжа Марыйных абразоў па беларускай зямлі. Святар нагадаў, што кожны з гэтых абразоў мае сваю непаўторную гісторыю і стагоддзямі з’яўляецца крыніцай цудаў. Праз супольную перэгрынацыю розныя Марыйныя санктуарыі Беларусі сімвалічна злучаюцца ў адно цэлае, паказваючы, наколькі глыбока Марыйная пашана ўкаранёна ў каранях нашага народа.
[3]
Ксёндз прэлат звярнуў асаблівую ўвагу на крызіс сучаснага свету і сям’і. Ён падкрэсліў, што “Марыя прыходзіць як Маці, якая хоча абараніць сваіх дзяцей, і адзінае выйсце з духоўнага крызісу – гэта вяртанне да шчырай сямейнай малітвы, асабліва да Ружанца, і аднаўленне хрысціянскіх каштоўнасцей”.
“Марыя ніколі не пакідае тых, хто звяртаецца да Яе. Яна – наша галоўная Заступніца і Апякунка, якая сваім мацярынскім атуленам здольная суцішыць любыя буры”, – адзначыў святар, заклікаючы вернікаў даверыць Багародзіцы ўсе свае трывогі і спадзевы.
На працягу наступных двух тыдняў спісы цудадзейных абразоў будуць знаходзіцца ў касцёле ў Канстанцінаве. З гэтай нагоды ксёндз Валеры Орсік запрашае вернікаў і гасцей з суседніх парафій Глыбоцкага дэканата скарыстацца гэтым благаслаўлёным часам для асабістай сустрэчы з нябеснай Маці.
30 кастрычніка абразы накіруюцца ў Падсвільскую прафію Найсвяцейшага Сэрца Езуса Хрыста, якая стане 131-м месцам адведзінаў Божай Маці. А Канстанцінаўская прафіяльная сям’я ўжо “уключана” ў штодзённую малітву Марыйнага пілігрымавання па святынях Бацькаўшчыны.
-
[4]
-
[5]
-
[6]
-
[7]
-
[8]
-
[9]
-
[3]
-
[10]
-
[11]
-
[12]
-
[13]
-
[14]
-
[15]
-
[16]
-
[2]
-
[17]
-
[18]
-
[19]
-
[20]
-
[21]
-
[22]
-
[23]
-
[1]
-
[24]
-
[25]
-
[26]
-
[27]
-
[28]
-
[29]
-
[30]
-
[31]
-
[32]
Відэазапіс святой Імшы ў Канстанцінава:
Фота: Віктар Ведзень