[1]8 мая 2024 года санктуарый Маці Божай Фацімскай у Шуміліне сабраў прэзбітэрый Віцебскага касцёла разам з манаскімі асобамі на чарговую сустрэчу з Пастырам дыяцэзіі.
Па традыцыі, якая склалася, духавенства напачатку вырашае розныя свае справы і пытанні паміж сабой, з прадстаўнікамі дыяцэзіяльнай курыі і біскупам, каталіцкімі выдавецтвамі, а пасля ўсе збіраюцца на тэматычныя канферэнцыі і малітоўную частку.
Манахіні разам з а. Анджэем Юхневічам ОМІ разважалі над тым, як плённа жыць Божым словам у штодзённым жыцці і як па прыкладзе Найсвяцейшай Марыі дазволіць Божаму слову, каб яно нас фармавала.
[2]
Перад святарамі выступіў афіцыял Біскупскага суда, пробашч парафіі ў Лёзне кс. канонік Аляксей Ляшко, які ў пачатку мая прадстаўляў Беларусь на Міжнароднай сустрэчы “Пробашчы для Сінода” у Рыме. Святар падзяліўся сваімі ўражаннямі ад удзелу і адчуваннем асаблівай прысутнасці там Духа Святога, а таксама пракаментаваў Ліст да пробашчаў, які напісаў Папа Францішак і які ў хуткім часе з’явіцца ў доступе ў беларускім перакладзе. Сярод іншага там Святы Айцец сфармуляваў тры прапановы, якія могуць натхніць лад жыцця і дзейнасць пастыраў: запрашэнне жыць сваёй асаблівай харызмай служэння на службе разнастайным дарам, які сее Дух у народзе Божым; прапанова вучыцца і практыкавацца ў мастацтве распазнання супольнасці; рэкамендацыя засноўваць усё на дзяленні і братэрстве паміж сабой і з біскупамі.
Адарацыя Найсвяцейшага Сакраманта ў цішыні і сузіранне Езуса ў Эўхарыстыі, магчымасць споведзі і Маёвае набажэнства паспрыялі малітоўнаму настрою спаткання.
[3]
Так як дыяцэзіяльная сустрэча праходзіла напярэдадні ўрачыстасці Унебаўшэсця Пана, біскуп Алег Буткевіч у гаміліі паразважаў над дзеяннем Духа Святога ў касцёле. “Вельмі часта гэта дзеянне ў нас атаясамліваецца з харызматамі і рознымі дарамі (малітва мовамі, аздараўленне людзей), але Езус супакойвае нашы думкі і кажа, што Дух Святы ёсць Тым, Хто навучае і адкрывае праўду. І ты жывеш гэтай праўдай, якой з’яўляецца Езус.”
Пасля Імшы біскуп Алег аб’явіў будучыя запланаваныя мерапрыемствы і падзеі, які пройдуць у бліжэйшыя месяцы ў дыяцэзіі і не толькі:
- 22 мая – сустрэча катэхетаў у Віцебску
- 1 чэрвеня – Сусветны дзень дзіцяці ў Будславе
- 2 чэрвеня – працэсія Божага Цела ў Віцебску
- 5-6 ліпеня – урачыстасці ў Будславе
- 11 ліпеня — адкрыты турнір па міні-футболе сярод міністрантаў у Мёрах
- 19-21 ліпеня – агульнабеларуская сустрэча моладзі ў Браславе
У хуткім часе сваю працу ў дыяцэзіяльнай курыі і служэнні Касцёлу на Віцебшчыне заканчвае айцец Кляменцій Верт SJ, якога кіраўніцтва ордэна езуітаў скіроўвае ў Кыргызстан. Іерарх шчыра падзякаваў святару за адданую і шчырую працу ў нашай дыяцэзіі.
[4]
Біскуп Алег і бліжэйшыя супрацоўнікі павіншавалі сабратоў у святарстве, для якіх месяц май у юбілейным годзе для дыяцэзіі таксама стаў штодрым на памятныя даты:
- 50 год з дня нараджэння адзначае кс. канонік Эдвард Нарадоўскі
- 35 год святарскага пасвячэння адзначае кс. Зенон Шчонхар MS
- 35 год святарскага пасвячэння адзначае кс. Альфрэд Пяхота MS
- 25 год святарскага пасвячэння адзначае а. Чэслаў Курэчка МІС
- 25 год святарскага пасвячэння адзначае а. Браніслаў Дашкевіч ОР
- 20 год святарскага пасвячэння адзначае кс. канонік Віктар Місевіч
- 20 год святарскага пасвячэння адзначае кс. Станіслаў Мжыглуд SDS
- 20 год святарскага пасвячэння адзначае а. Яраслаў Славамір Банасяк OFMConv
- 20 год святарскага пасвячэння адзначае кс. Генадзь Рэйшэль
- 10 год святарскага пасвячэння адзначае кс. канонік Аляксей Ляшко
- 10 год святарскага пасвячэння адзначае кс. Іван Кароткін
- 10 год святарскага пасвячэння адзначае а. Павел Мажэйка ОР
З нагоды 25-годдзя заснавання Віцебскай дыяцэзіі словы падзякі за шматгадовую паслугу ў дыяцэзіі, кветкі і невялікія падарункі атрымалі ўсе законныя сёстры і брат.
[5]
-
[6]
-
[7]
-
[2]
-
[8]
-
[9]
-
[10]
-
[11]
-
[12]
-
[13]
-
[3]
-
[14]
-
[15]
-
[1]
-
[16]
-
[17]
-
[18]
-
[19]
-
[20]
-
[21]
-
[22]
-
[23]
-
[24]
-
[25]
-
[4]
-
[26]
-
[27]
-
[28]
-
[29]
-
[30]
-
[5]
Марына Сінкевіч, тэкст
Леанід Юрык, фота