[1] У праграме біскуп Віцебскай дыяцэзіі Алег Буткевіч распавядае пра пачатак кожнага свайго дня, зарадку, сваё дзяцінства і студэнцкія годы, мары і надзеі, працоўныя моманты і месца працы, пра бацькоў і сямейныя традыцыі, і адказвае на бліц-пытанні ад вядучай Ксеніі Асмалоўскай.
Цікавыя факты:
— апошняя нядаўна прачытаная кніга — «Хрыстос прызямліўся ў Гародні» Уладзіміра Караткевіча;
— Што для Вас шчасце? Ведаць, што ты на сваім месцы;
— «вочы баяцца, але рукі робяць» — пра дэкрэт біскупа Бліна ў 2003 годзе наконт будучага касцёла Св. Антонія па вул. Гагарына ў Віцебску;
— «Мама, тата, я паступіў у семінарыю» — паставіў бацькоў перад фактам;
— вяртаючыся да (бацькоўскага — рэд.) дому заўсёды слухае «Мой родны кут» Песняроў.
Запрашаем да прагляду!