[1]Апошнія вясеннія дні выдаліся надзвычай халоднымі і дажджлівымі. І вось нечакана, быццам падарунак з нябёсаў, – цёплая, спакойная і, нават, крыху сонечная нядзеля.
31 мая ў Глыбоцкай парафіі Святой Тройцы адбылася адпустовая Імша, на якую прыбыў біскуп Гродзенскі Уладзімір Гуляй.
На прыступках святыні ганаровага госця віталі з традыцыйнымі хлебам і соллю пробашч ксёндз Мікалай Ціхановіч і прадстаўнікі парафіі.
На пачатку Імшы ксёндз Мікалай падзякаваў біскупу Уладзіміру за тое, што, нягледзячы на вялікую занятасць, знайшоў час і з радасцю прыняў запрашэнне быць сёння ў Глыбокім.
Ардынарый Гродзенскай дыяцэзіі заўважыў, што адчувае сябе не госцем, а братам сярод братоў і сясцёр, якія разам вызнаюць і праслаўляюць Бога Айца, Сына і Святога Духа як адна хрысціянская сям’я.
[2]
Асобе Святой Тройцы была прысвечаная і гамілія.
“Сённяшняя ўрачыстасць вядзе нас у глыбіню веры і занурае ў найвялікшую таямніцу хрысціянства,” – распачаў біскуп Уладзімір.
Ён звярнуў увагу, што чалавек хоча ўсё ў жыцці тлумачыць законамі логікі, але Бог становіцца большым за ўсе чалавечыя вымярэнні, тлумачэнні і намаганні.
Ёсць і яшчэ адзін парадокс: сёння людзі вельмі прагнуць любові, але ўсё больш і больш страчваюць здольнасць любіць.
Хрысціянства грунтуецца на сустрэчы Бога і чалавека. Бог першым выходзіць насустрач і дорыць чалавеку Любоў. Менавіта Любоў – ключ для распазнання Найсвяцейшай Тройцы.
[3]
Напрыканцы Імшы адбылося выстаўленне Найсвяцейшага Сакраманту. А потым урачыстая працэсія вырушыла з касцёла на цэнтральную плошчу горада, каб, спяваючы эўхарыстычныя спевы, разам праслаўляць Бога, адзінага ў Святой Тройцы.
Скончылася працэсія традыцыйным гімнам “Цябе, Бога, праслаўляем”.
-
[4]
-
[5]
-
[1]
-
[6]
-
[7]
-
[2]
-
[8]
-
[9]
-
[10]
-
[11]
-
[12]
-
[13]
-
[14]
-
[15]
-
[16]
-
[17]
-
[18]
-
[19]
-
[20]
-
[3]
-
[21]
-
[22]
-
[23]
-
[24]
-
[25]
-
[26]
-
[27]
-
[28]
-
[29]
-
[30]
Вікторыя Філіпенка, тэкст
Леанід Юрык, фота