[1]Арцыбіскупы Агасціна Маркета і Клаўдыё Гуджэроці
9 ліпеня 2023 года Папа Францішак назваў імёны новых кардыналаў. Ён зрабіў гэта пасля малітвы Анёл Панскі, якую правёў з акна апостальскага палаца для сабраных на плошчы святога Пятра вернікаў.
На кансіторыі, які Святы Айцец анансаваў на 30 верасня 2023 года, кардынальскую годнасць атрымаюць:
- арцыбіскуп Роберт Фрэнсіс Прэвост, прэфект Дыкастэрыі па справах біскупаў;
- арцыбіскуп Клаўдыё Гуджэроці, прэфект Дыкастэрыі па справах Усходніх Цэркваў (у 2011-2015 гг быў Апостальскім нунцыем у Беларусі, а падчас Будслаўскага фэсту 2023 прадстаўляў Папу Францішка ў якасці яго спецыяльнага-пасланніка);
- арцыбіскуп Віктар Мануэль Фернандэс, прэфект Дыкастэрыі веравучэння;
- арцыбіскуп Эміль Поль Шэрыг, апостальскі нунцый;
- арцыбіскуп Крыстоф Луі Іў Жорж П’ер, апостальскі нунцый;
- арцыбіскуп П’ербатыста Піцабала, Лацінскі Патрыярх Іерусаліма;
- арцыбіскуп Кейптаўна Стывен Брыслін;
- арцыбіскуп Кордавы Анхель Сіста Росі;
- арцыбіскуп Багаты Луіс Хасэ Руэда Апарысьё;
- арцыбіскуп Лодзінскі Гжэгаж Рысь;
- арцыбіскуп Джубы Стэфан Эмею Марцін Мула;
- арцыбіскуп Мадрыдскі Хасэ Коба Кана;
- арцыбіскуп-каад’ютар Таборы Пратасэ Ругамбва;
- біскуп Пенанга Себасцьян Фрэнсіс;
- біскуп Ганконга Стывен Чоў Сау-Ян;
- біскуп Аяча Франсуас-Ксав’е Бусціё;
- дапаможны біскуп Лісабона Амерыку Мануэль Алвеш Агіяр;
- генеральны настаяцель салезіянаў Анхель Фернандэс Арцімэ.
Акрамя таго, у склад Калегіі кардыналаў увойдуць іншыя прадстаўнікі духавенства. Гэта:
- арцыбіскуп Агасціна Маркета, апостальскі нунцый (у 1994-1999 гг быў Апостальскім нунцыем у Беларусі);
- арцыбіскуп-эмерыт Куманы Дыега Рафаэль Падрон Санчэс;
- капуцын Луіс Паскуаль Дры, спаведнік у санктуарыі Маці Божай з Пампеі ў Буэнас-Айрэсе.
Пантыфік заклікаў вернікаў маліцца за новых кардыналаў, каб яны аддана дапамагалі яму несці служэнне Наступніка Пятра на карысць Божага народа.
кс. Аляксандр Амяльчэня, беларуская рэдакцыя [2] Vatican News