[1]Парафіяльнае свята ў імя святого Лінаса, якое штогод адзначаецца ў вёсцы Пеляса (Воранаўскі раён, Гродзенская вобласць), 22 верасня як заўсёды сабрала сяброў з розных куткоў Беларусі і Літвы. Але адметнай асаблівасцю яго ў гэтым годзе стала прысутнасць біскупа Віцебскай дыяцэзіі Алега Буткевіча.
Гэтая падзея ўжо даўно пераўтварылася ў сапраўднае свята літоўскай культуры, на якое прыязджаюць высокія дыпламатычныя госці, прадстаўнікі ўладаў дзвюх краін, каталіцкія святары.
Добраму настрою сабраўшыхся спрыялі вераснёўскае сонейка, выставы-продаж атрыбутыкі рэлігійнай тэматыкі. Да радасці дзетвары індывідуальныя прадпрымальнікі прадавалі пернікі і салодкія цукеркі ў выглядзе пеўнікаў ды розных кветачак.
Але галоўны акцэнт свята — урачыстае набажэнства ў касцёле Святога Лінаса, якое ўзначаліў Віцебскі біскуп. У велічным храме гучалі літоўская і беларуская мовы, панавала атмасфера еднасці і сяброўства. Велічным было і шэсце вернікаў у працэсіі вакол касцёла.
[2]
Святочны настрой панаваў у актавай зале Пяляскай сярэдняй школы з навучаннем на літоўскай мове, дзе і прадоўжылася ўрачыстасць. Сабраўшыхся сардэчна віталі пасол Літоўскай Рэспублікі ў Рэспубліцы Беларусь Андрус Пулокас, дырэктар дэпартамента Міністэрства замежных спраў Літоўскай Рэспублікі Марыюс Гудзінас, Саветнік Консульства Літоўскай Рэспублікі ў горадзе Гродна Аўшра Кіркуцене, намеснік старшыні Воранаўскага райвыканкама Андрэй Карповіч і іншыя ганаровыя госці свята.
[3]
Вялікае задавальненне атрымалі прысутныя ад канцэрта, які наладзілі вучні і педагогі Пяляскай школы.
-
[4]
-
[5]
-
[6]
-
[7]
-
[8]
-
[9]
-
[10]
-
[11]
Па матэрыялах voran.by [12]