[1]11 кастрычніка касцёл Беззаганнага Зачацця Найсвяцейшай Панны Марыі ў в. Удзела (Глыбоцкі дэканат) прымаў святароў, законных сясцёр і братоў з усёй Віцебскай дыяцэзіі, якія сабраліся на штомесячную сустрэчу з біскупам Алегам Буткевічам.
Месца спаткання было выбрана невыпадкова, бо менавіта ў гэтым годзе святыня адзначае 300-годдзе існавання, а ў нядзелю, 8 кастрычніка, падчас кананічнай візітацыі быў асвечаны адноўлены галоўны алтар.
Дзень духоўных сустрэч пачаўся гадзінай адарацыі Найсвяцейшага Сакраманту, падчас якой удзельнікі спаткання ў цішыні адаравалі Езуса і карысталіся магчымасцю сакраманта споведзі.
Святую Імшу разам з біскупам Алегам канцэлебравалі генеральны вікарый кс. Францішак Кісель, канцлер курыі кс. Віктар Місевіч, дэкан Глыбоцкі кс. Мікалай Ціхановіч, віцэ-дэкан Глыбоцкі кс. Андрэй Кулік, новапрэзбітэр кс. Алег Хмылко і пробашч Удзелаўскай парафіі а. Яраслаў Банасяк OFMConv.
Слова да прысутных скіраваў кс. Андрэй Кулік, які на прыкладзе прарока Ёны са Старога Запавету, зрабіў “рэвізію” святарскага жыцця.
[2]
Пасля Літургіі адбылася канферэнцыя, якую прамовіў духоўны айцец дыяцэзіі езуіт Станіслаў Памыкала. Святар падзяліўся ўласным сведчаннем і перажываннем з рэкалекцый, якія нядаўна перажыў.
“Каб не было пустэчы ў жыцці, якую мы (святары) часта запаўняем інтэрнэтам, хобі альбо рознымі непатрэбнымі справамі, мы павінны стаць членамі Жывога дома ці Жывой супольнасці. А каб гэта супольнасць магла існаваць і развівацца – павінна быць прабачэнне. Бо дом – гэта месца, дзе ты прабачаеш і табе прабачаюць”, — падагульніў канферэнцыю святар.
Затым прысутныя былі азнаёмлены з намінацыямі, бліжэйшымі планамі і падзеямі ў дыяцэзіі.
[3]
Канцлер курыі прадставіў інфармацыю аб калядных конкурсах, якія запланаваныя на студзень будучага году і запрасіў святароў і законніц паспрыяць удзелу дзяцей і моладзі ў гэтых мерапрыемствах.
- 3 студзеня 2018 года – конкурс каляднай песні “Зорка Бэтлеема” ў Мёрах;
- 4 студзеня 2018 года – конкурс батлеек у Віцебску.
Штомесячны дзень духоўных сустрэч святароў і законных сясцёр скончыўся супольным абедам.
-
[4]
-
[5]
-
[6]
-
[7]
-
[8]
-
[9]
-
[10]
-
[11]
-
[12]
-
[13]
-
[14]
-
[15]
-
[16]
-
[17]
-
[18]
-
[19]
-
[20]
-
[21]
-
[22]
-
[23]
-
[24]
-
[25]
-
[26]
-
[27]
-
[28]
-
[29]
-
[30]
-
[31]
-
[32]
-
[33]
-
[34]
-
[35]
-
[36]
-
[37]
-
[38]
-
[39]
Марына Сінкевіч, тэкст
Леанід Юрык, фота