[1]Рух сужэнскай духоўнасці Equipes Notre-Dame з радасцю запрашае ўсе хрысціянскія сем’і узяць удзел у пешай сямейнай пілігрымцы ў Нацыянальны санктуарый Маці Божай Будслаўскай.
Пілігрымка аднадзённая, выходзіць 4 ліпеня а 10-й гадзіне з вёскі Пузыры Мядзельскага раёна. Шлях складае каля 15 км.
Праграма пілігрымкі:
- 10.00 — рэгістрацыя ўдзельнікаў пілігрымкі;
- 11.00 — выхад пілігрымкі; спевы;
- 11.10 — Гадзінкі аб Безаганным Зачацці Найсвяцейшай Панны Марыі;
- 11.40 — спевы;
- 11.50 — канферэнцыя «Прынцыпы жыцця бл. Кьяры Лючэ Бадано»;
- 12.30 — Ружанец у інтэнцыях кожнай сям’і;
- 13.00 — абед; адпачынак;
- 14.00 — забаўляльная праграма для дзяцей «Скарбы пілігрыма надзеі
Лючэ»; - 15.00 — Вяночак да Божай Міласэрнасці;
- 15.20 — сведчанні; спевы;
- 16.00 — канферэнцыя «Быць сведкам негвалтоўнага ладу жыцця»;
- 16.30 — Акт прысвячэння сям’і Найсвяцейшай Панне Марыі;
- 17.00 — урачысты уваход у Будслаў пад гімн Маці Божай Мagnificat.
Натхненням для тэмы сямейнай пілігрымкі стаў вобраз маскота Юбілейнага года – Лючэ. Паводе слоў Арцыбіскупа Рына Фізікела, мэтай стварэння Лючэ сталі намаганні Рымска-каталіцкай царквы па ўсталяванні сувязі з поп-культурай, такой дарагой нашай моладзі. Цікава, што правобразам анімэ-маскота стала бл. Кьяра Лючэ Бадано, з прынцыпамі жыцця якой змогуць пазнаеміцца пілігрымы пад час канферэнцый.
Пад час забаўляльнай праграмы дзеці даведаюцца аб тым, што кожная элемент адзення Лючэ мае свае значэнне і каштоўнасць. Мамы з маленькімі дзецьмі змогуць удзельнічаць у пілігрымцы ў ролі аніматараў на прыпынку або ў дапамозе на кухні.
Арганізатары звяртаюць увагу на тое, што будзе пастаяннае транспартнае і медыцынскае суправаджэнне.
Запісацца ў пiлiгрымку можна на сайце end.of.by [2]
Тэлефон для даведак: +375 (44) 719 82 43 — Алiна і Максім Угорыч