«Знойдзеце мяне па тэлефоне». У Вялікі пост многія адмаўляюцца ад сацсетак

Не толькі мяса, але і сацсеткі — тэндэнцыя апошніх гадоў становіцца ўсё больш папулярнай сярод хрысціян, якія практыкуюць удзел у Вялікім посце. Многія вернікі вырашаюць абмежаваць сябе ў сацыяльных сетках, прагляд якіх, каментаванне пастоў, перапіскі забіраюць так шмат каштоўнага часу і спустошваюць душу.

У прыватнасці, адразу некалькі падпісчыкаў старонак у сацсетках сайта Katolik.life заявілі аб тым, што на час Вялікага посту, які пачынаецца ў Каталіцкай царкве 6 сакавіка, адмаўляюцца ад наведвання сацсетак.

— Пачынаецца Вялікі пост. Прашу прабачэння ва ўсіх. Падчас посту вы можаце мяне знайсці толькі па тэлефоне — у сацсетках мяне не будзе, — напрыклад, піша Уладзімір.

Некаторыя заяўляюць аб тым, што па-ранейшаму будуць даступныя ў мэссенджарах, аднак не будуць рабіць пасты, праглядаць стужку, каментаваць паведамленні і ставіць лайкі. А вольны час і сілы накіруюць на малітву, чытанне Бібліі, дапамогу бліжнім.

Katolik.life

для друку для друку