Выбух у Бейруце: 15 святароў і 15 цудаў

«У нас было 15 святароў і 15 цудаў!» — вось так каментуе айцец Зіад Хадад падзеі ў кляштары айцоў місіянераў у Бейруце падчас выбуху ў порце ў аўторак, 4 жніўня 2020 года. Паводле яго слоў, манахі цудам не загінулі.

Манастыр знаходзіцца каля кіламетра ад месца выбуху. Выбуховая хваля знішчыла вокны ў доме і параніла трох манахаў, але не смяротна. Святар, які адпраўляў Імшу, транслюючы яе ў Фэйсбуку, падчас выбуху атрымаў лёгкае раненне, нягледзячы на ​​тое, што яго выбуховай хваляй кінула на шэсць метраў ад алтара.

Тым часам у суседнім кляштары сясцёр шарытак адна манахіня загінула, а сотні навакольных дамоў былі знішчаны.

Нагадаем, у аўторак, 4 жніўня 2020 года. У Бейруце адбыліся два магутныя выбухі. Больш за 100 чалавек загінулі, каля 4000 атрымалі раненні. Амаль увесь горад быў разбураны; па прыблізных падліках, каля 300 000 чалавек засталіся бяздомнымі. Каталіцкія касцелы, манастыры і школы ў Бейруце прымаюць ахвяраў выбуху.

Улады абвясцілі трохдзённую жалобу. Ліванскія хрысціянскія лідэры звярнуліся да вернікаў па ўсім свеце за малітвай. Сусветныя лідэры і Папа Францішак выказалі спачуванне ліванскаму народу.

Па матэрыялах credo.pro

для друку для друку