Вялікі Трыдуум распачалі вернікі ў Браславе

DSC_1941-001

За некалькі дзён да ўрачыстасці Уваскрасення Хрыста хрысціяне перажываюць Вялікі Чацвер, які сёлета ў католікаў выпадае на 2 красавіка. У гэты дзень узгадваецца Апошняя Вячэра, падчас якой Езус абмывае ногі вучням і ўстанаўлівае Эўхарыстыю і сакрамэнт святарства.

На ўспамін аб гэтых падзеях вернікі збіраюцца на вячэрнюю Імшу. У гэты дзень асаблівым чынам вернікі ўспамінаюць усіх кансэкраваных асобаў, а таксама моляцца ў інтэнцыі новых святарскіх і законных пакліканняў. Асаблівым гэты дзень для браслаўскай парафіі з’яўляецца і таму, што тут сваю паслугу нясуць сёстры з Кангрэгацыі Сясцёр Служак Езуса ў Эўхарыстыі.

Як паведамляе сайт парафіі, у гаміліі ксёндз пробашч Станіслаў Мжыглуд падкрэсліў, што сёння Хрыстус усіх нас запрашае на вячэру, Ён хоча радзяліць з намі хлеб і абмыць нам ногі. Жэст амывання ног кажа пра сапраўдную Божую любоў, якая выражаецца ў служэнні іншым. І да такой любові Бог запрашае кожнага з нас.

На заканчэнне літургіі Найсвяцейшы Сакрамэнт быў перанесены ў цямніцу, дзе трывала адарацыя вернікаў.

Святлана Жылевіч, тэкст
Ірына Гайдамовіч, фота. Больш фота на waladarka.by
для друку для друку