Уплыў ружанца на псіхічнае здароўе

Некаторыя псіхолагі-кансультанты выкарыстоўваюць кагнітыўную тэрапію; іншымі словамі, яны дапамагаюць людзям лепш зразумець кірунак свайго мыслення, выяўляючы негатыўныя думкі і замяняючы іх пазітыўнымі. Такім чынам чалавек атрымлівае больш аптымістычны погляд на жыццё і свет. Малітва на ружанцы і ружанцовыя медытацыі спрыяюць пазітыўнаму мысленню і дапамагаюць нашаму розуму больш злучацца з Богам.

Рэгулярна молячыся ружанец, чалавек адчувае значнае паляпшэнне свайго агульнага псіхічнага здароўя, а менавіта:

  • Павышэнне ўвагі і канцэнтрацыі думкі.
  • Яснасць розуму; ружанцовая малітва ачышчае розум ад незасяроджанасці і негатыўных думак.
  • Больш эфектыўны кантроль думак, менш дакучлівых думак.
  • Змаганне з дэпрэсіяй.
  • Паляпшэнне памяці (кароткатэрміновай і доўгатэрміновай).
  • Зніжэнне трывогі і страху.
  • Пазітыўнае мысленне і аптымістычны погляд на жыццё.
  • Зніжэнне стрэсу.
  • Павышэнне здольнасці расслабляцца і скідаць напружанне.
  • Добрае снатворнае ўздзеянне; спрыянне спакойнаму сну на працягу ўсёй ночы.
  • Узмацненне агульнага добрага адчування.

Уплыў ружанца на духоўнае здароўе

Уплыў на людзей, якія моляцца ружанец, даволі значны. У дадатак да 15-ці абяцанняў шанавальнікам ружанца штодзённая ружанцовая малітва дае нам велізарны духоўны рост. Магчыма, вы чулі, як людзі розных рэлігій гавораць пра большую свядомасць. Што менавіта гэта азначае? У асноўным набываць свядомасць азначае атрымліваць большае ўяўленне пра сябе, а таксама пра людзей свайго асяродку. З лепшым разуменнем сваёй уласнай істоты дасягаецца павышанае пачуццё самасвядомасці. У выніку вы становіцеся больш далучанымі да Бога і Яго святой волі.

Ніжэй прыведзены некаторыя прыклады многіх духоўных пладоў, якія атрымліваюць тыя, хто рэгулярна моліцца на ружанцы:

  • Узнікае пачуццё задавальнення і значнасці ў вашым жыцці.
  • Прыходзіць зразуменне мэты вашага жыцця.
  • Ружанец набліжае вас да Бога і дазваляе Яму актыўна дапамагаць вам у вашым жыцці.
  • Ружанцовая малітва выпрацоўвае лепшую здольнасць адрозніваць правільнае ад няправільнага.
  • Павышае суперажыванне, спачуванне і памяркоўнасць ў адносінах да іншых.
  • Прыносіць спакой у вашае жыцце. Дапамагае ствараць спакой для тых, хто побач з вамі.
  • Накіроўвае вас да нябесных скарбаў, а не зямных жаданняў.
  • Павышае разумовыя здольнасці; развівае большае пачуццё інтуіцыі.
  • Павышае здольнасць любіць сябе і іншых.
  • Дае ўпэўненасць у часы адчаю і безнадзейнасці.
  • Дазваляе лепш кантактаваць з іншымі людзьмі і з прыродай.
  • Павялічвае сілу волі і імкненне рабіць добрыя ўчынкі.
  • Забяспечвае абарону ад негатыўных уздзеянняў.
  • Адкрывае ваш розум на прыняцце найвышэйшай Праўды.
  • Памяншае жаданне грашыць; дапамагае пераадольваць спакусы.
  • Самае галоўнае: Ружанец дапамагае нам зразумець Бога.

Уплыў ружанца на цялеснае здароўе

Святар, псіхолаг і нават навуковец згадзяцца з тым, што існуе глыбокая сувязь паміж нашым розумам і функцыянальнымі фізічнымі магчымасцямі нашага цела. У той час як сувязь паміж целам і розумам да гэтага часу ў значнай ступені не даследаваная, было праведзена некалькі кантраляваных даследаванняў, якія паказваюць тэрапеўтычную каштоўнасць малітвы і медытацыі. Паколькі ружанец выкарыстоўваюць як малітву і медытацыю, вы можаце зразумець, наколькі эфектыўнай яна можа быць для аздараўлення фізічных хваробаў.

Вось найбольш распаўсюджаныя формы аздараўлення, звязаныя з ружанцовай малітвай і медытацыямі:

  • Паляпшае хуткасць дыхання і дыхальную функцыю ўвогуле.
  • Стымулюе імунную сістэму.
  • Павышае ўзровень энергіі; змагаецца з хранічнай стомленасцю.
  • Дапамагае панізіць крывяны ціск.
  • Палягчае напружанне мышцаў; дапамагае рэлаксацыі.
  • Дапамагае пры мігрэні.
  • Павышае ўзровень сератаніну.
  • Дапамагае спраўляцца з хранічнымі захворваннямі.
  • Дапамагае спыніць фізічныя залежнасці.
  • Стымулюе спакойны сон.

ave-maria.by

для друку для друку