- Каталіцкі Веснік - http://catholicnews.by -

У Віцебску на баль сабраліся маленькія «святыя»

[1]26 кастрычніка ў Віцебскай катэдральнай парафіі Езуса Міласэрнага прайшоў «Баль усіх святых», паведамляе парафіяльны сайт [2]. Святым стаў амаль кожны — ад малога да вялiкага.

На балі можна было сустрэць розных святых. Імпрэза распачалася з малітвы. Падчас асноўнай часткі праграмы маленькiя «святыя» мелi магчымасць атрымаць балы ў неба за ўдзел у цікавых конкурсах і вясёлых забавах.

[3]

Дзякуючы гэтаму мерапрыемству, удзельнікі пазнаёмiлiся з жыццём многіх святых. Асаблівая ўвага была скіравана на св. Казіміра і св. Арханёла Габрыэля, імі на кароткі час сталі святары парафіі кс. Алег Зямчонак і кс. Валерый Орсік. Таксама для ўдзельнікаў быў арганізаваны салодкі стол.

Парафіяльнае свята дазволіла ў радаснай сямейнай атмасферы яшчэ раз пераканацца ў тым, што кожны можа быць святым,  і што быць святым — гэта цудоўна!