У смаргонскім араторыі адбыўся вечар “23+8”

“Павольна цягнецца час для тых, хто церпіць;

23+8Хутка нясуцца гадзіны для таго, у каго радасць на сэрцы”

Св. Ян Боско

Гэтымі словамі распачаў сваю вучобу ў семінарыі св. Ян Боско. Тады ён сказаў свайму сябру: “Вось наша праграма: будзем заўсёды вясёлымі, і час праляціць хутка”.

Радасцю быў напоўнены і вечар “23+8”, які адбыўся з нагоды святкавання Дня абаронцы Айчыны і Міжнароднага дня жанчын.

Вечар распачаўся святой Імшой, пасля якой адбыўся Крыжовы шлях, падрыхтаваны моладдзю. Падчас гэтай малітвы прысутныя маглі паразважаць над сваім лёсам і над асабістым месцам на крыжовым шляху. Затым усе былі запрошаны ў араторый на вечар.

Дэвізам мерапрыемства сталі словы: “Быць рознымі – гэта дар”. Падчас вечара было прапанавана раздзяліцца на дзве каманды: хлопцы і дзяўчаты.

Яны мелі магчымасць паказаць свае здольнасці ў кіраванні аўтамабілем, праявіць кемлівасць у адказе на цікавыя пытанні, памерацца сіламі і даведацца, у каго лепшы апетыт.

Апошнім момантам праграмы стала сумесная вячэра, дзе ўсе разам сядзелі за адным сталом як адна дружная сям’я.

Субко Анастасія, Ермак Вераніка, sdb.by

для друку для друку