У Шчучыне прайшоў канцэрт, прысвечаны 10-гадоваму юбілею моладзевага хора

19 красавіка ў Шчучыне ў раённым доме культуры прайшоў вялікі канцэрт, прысвечаны 10-гадоваму юбілею моладзевага касцёльнага хору CALASANZ. Гэтая падзея стала сапраўдным святам для ўсіх жыхароў горада, бо магчымасць трапіць на яго меў кожны ахвотны.

uPP2ilXpvew

Надвор’е нельга было назваць спрыяльным для добрага настрою, але спеў ад самага сэрца змог выратаваць сітуацыю. Усе госці адзначылі, што атмасфера склалася сапраўды сямейная і цёплая. Дзве гадзіны пранесліся імгненна.

LGrdBiHznVA

Дзень нараджэння не мог прайсці без падарункаў, якія атрымалі не толькі цяперашнія ўдзельнікі хору, але і тыя, хто, пачынаючы з 2005 года, былі часткай гэтай сям’і. Акрамя гэтага, кожны глядач мог атрымаць памятныя сувеніры падчас латарэі, якая праводзілася паміж нумарамі.

xy-KsUvIOqI

2005-2015 гады – гэта не проста гады існавання хора, але і неаддзельная частка жыцця шчучынскай парафіі Св. Тэрэзы Авільскай.

vbZZIMBM8c8

Музычным кіраўніком і сяброўкай хору ад самага пачатку была і застаецца Людміла Казлова. Духоўнымі настаўнікамі з’яўляюцца айцы піяры, якія працуюць у парафіі. Дзякуючы сумеснай працы гэтых людзей, жаданню і актыўнасці ўдзельніц хору, Шчучын атрымаў сапраўднае свята для душы.

Алёна Мыслівец, тэкст

Алёна Мыслівец, Вераніка Хацук, фота

для друку для друку

Веснік-відэа

Варта паглядзець

Святыя заступнікі