У парафіі Унебаўшэсця Пана ў вёсцы Дзеркаўшчына адбыўся святочны спектакль

Божае Нараджэнне – самае доўгачаканае, самае радаснае і самае казачнае свята!

У якім бы ўзросце мы не знаходзіліся – з нецярплівасцю чакаем яго. Чакаем, калі засвеціць ў небе Віфлеемская Зорка, і на сене з’явіцца дзіця.

Для гэтага моманту мы падрыхтоўваем словы малітвы, песні, свае душы.

І каб гэта свята стала незвычайным, 11 студзеня дзеці і моладзь парафіі Унебаўшэсця Пана в. Дзеркаўшчына пад кіраўніцтвам сястры Людмілы падрыхтавалі святочны спектакаль для парафіян і гасцей, які ладзіўся ў мясцовым цэнтры культуры.

Напачатку вядучыя прывіталі, павіншавалі са святам і пажадалі ўсяго добрага гледачам.

Прадоўжыла свята калядная пастаноўка “Зорка Бэтлеема”.

Напрыканцы мерапрыемства ксёндз Андрэй Кулік сардэчна падзякаваў усім удзельнікам і арганізатарам пастаноўкі.

Выказаў словы ўдзячнасці і гледачам, якія знайшлі час і прыйшлі на спектакль, каб яшчэ раз парадавацца Нараджэнню Хрыста.

Валянціна Бука, Таццяна Вышатка

 для друку