У Оршы ўзнікла духоўная ініцыятыва “Лекі з духоўнай аптэкі”

З нагоды святкавання 20-годдзя Віцебскай дыяцэзіі, у парафіі Беззаганнага Сэрца Марыі ў г. Орша, была заснавана духоўная ініцыятыва «Лекі з духоўнай аптэкі». Яе заданнем з’яўляецца новая методыка пераказу Добрай Навіны.

Гэта своеасаблівая форма катэхізацыі, мэта якой з’яўляецца імкненне наблізіцца да Бога праз разважанне над Божым Словам і асабістую жывую размову праз малітву.

Лагатыпам акцыі з’яўляецца зрэзанае сэрца, якое Хрыстус аздараўляе.

З кожнай аказіі, на канкрэтную тэматыку будзем старацца выдаваць новую “порцыю” духоўных лекаў.

Духоўныя лекі нам неабходны на штодзень. Цяпер перажываем час Вялікага посту. У гэтым месяцы прапануем духоўны лек «МЕТАНОЯ». Заахвочваем лекавацца разам, асабліва, падчас перажывання Крыжовага шляху. Гэта цудоўны падарунак для нас і нашых сяброў.

 

Запрашаем да карыстання з духоўных лекаў!

Ахвараванні за духоўныя лекі будуць прызначаны на патрэбы Парафіяды дзяцей і моладзі Віцебскай дыяцэзіі.

Кантакты: +37529 216-99-82 – кс. Валерый Орсік
e-mail: parafiadavd@mail.ru

для друку для друку