У гомельскай дзіцячай вёсцы пачалі арганізацыю дзённага знаходжання для інвалідаў

Дабрачынная каталіцкая місія «Карытас-Міласэрнасць» пачала арганізацыю дзённага знаходжання для 14 чалавек — маладых і дарослых інвалідаў па двух суботах у месяц ва Установе «Гомельскі дом-інтэрнат для дзяцей-інвалідаў з асаблівасцямі псіха-фізічнага развіцця».

— Галоўнай мэтай з’яўляецца паляпшэнне якасці жыцця маладых і дарослых людзей з інваліднасцю, якія пражываюць дома ў сем’ях, дзякуючы інтэграцыі і развіццю для наладжвання кантактаў у грамадстве.

У гэты раз мы вырашылі выбраць дарослых, таму што менавіта дарослыя з інваліднасцю, асабліва на калясках, не маюць магчымасці свабодна ўдзельнічаць ва ўсіх сферах жыццядзейнасці разам з іншымі. Бо, па сутнасці, мы не задумваемся аб тым, колькі нам прыйдзецца пераадолець або выдаткаваць сіл, каб схадзіць у краму, да каго-то ў госці, купіць лекі, пайсці на працу або нават проста пайсці пагуляць.

Але для людзей з інваліднасцю кожны новы крок, новы маршрут, сустрэча з іншымі людзьмі па-за домам, паход у краму на самай справе з’яўляецца пераадоленнем бар’ераў, выдаткам сіл, асабліва калі адсутнічае без бар’ернае асяроддзе.

Калі мы толькі пачыналі знаёміцца з нашымі маладымі з інваліднасцю і кранулі глыбей дадзенае пытанне, то ўсе нюансы і пытанні перад намі адчыніліся, і мы ўбачылі колькі трэба прадугледзець і арганізаваць, каб было магчымым дадзенае знаходжанне ў Дзіцячай вёсцы дарослых з інваліднасцю.

Гэта зусім іншы свет, які быў адкрыты знутры, — распавялі ў ДКТ «Карытас-Міласэрнасць». — У першы раз з хлопцамі прыехалі некаторыя бацькі, каб паглядзець, куды едуць іх дарослыя дзеці, што будуць рабіць. Пасля сустрэчы ўсе бацькі былі вельмі радыя і казалі, што неабходна далей развіваць і рэалізоўваць гэтую ідэю, што гэта сапраўды важна і неабходна для іх дзяцей.

Першая сустрэча адбылася 12 лістапада. Падчас дзённага знаходжання для дарослых і маладых і з інваліднасцю арганізаваны заняткі па працатэрапіі, якія праводзіць спецыяліст-дэфектолаг, на якіх маладыя людзі развіваюць дробную маторыку і свае моцныя бакі, адкрываюць, магчыма, свае новыя таленты. Арганізавана таксама праца псіхолага і кампутарныя курсы, якія вядзе валанцёр — інвалід-калясачнік.

У ДКТ «Карытас-Міласэрнасць» дзякуюць за дапамогу ўсіх валанцёраў, а таксама адміністрацыю Дзіцячай вёскі за прадастаўленне памяшкання ў мэтах арганізацыі дзённага знаходжання.

— Таксама хацелася б выказаць падзяку адміністрацыі «Гомельскага дома-інтэрната для дзяцей-інвалідаў з асаблівасцямі псіха-фізічнага развіцця» за прадастаўлення дома адміністрацыі ў мэтах арганізацыі дзённага знаходжання, — дадалі ў ДКТ «Карытас-Міласэрнасць».

caritas.by

для друку для друку