Швейныя майстэрні для людзей з абмежаванымі магчымасцямі адкрылі ў Віцебску

Для пашырэння магчымасцяў самарэалізацыі людзей з абмежаванымі магчымасцямі на базе Цэнтраў дзённага прабывання інвалідаў у Віцебску адкрылі швейныя майстэрні. Яны створаны ў межах адаптацыі людзей з абмежаванымі магчымасцямі да працоўнай дзейнасці.

У праекце ўдзельнічаюць маладыя інваліды з псіхафізічнымі асаблівасцямі развіцця ва ўзросце ад 18 да 31 года. Гэтым людзям дапамогуць засвоіць навыкі працы ў працоўных майстэрнях, што стане для іх добраю матывацыяй і падрыхтоўкай да працоўнай дзейнасці і працаўладкавання.

Паводле caritas-vitebsk.by