Салезіяне Беларусі адзначаць Дзень адзінства

-(225)20 чэрвеня адбудзецца Дзень адзінства Салезіянскай Сям’і ў Беларусі. Традыцыйна ён звязаны з імянінамі альбо днём нараджэння настаяцеля салезіянаў дадзенай інспекторыі, візітаторыі, дэлегатуры.

Салезіянская Сям’я ў Беларусі адзначыць гэтае свята ў дзень нараджэння Рэгіянальнага настаяцеля Місіі св. Францішка Сальскага кс. Віктара Гайдукевіча SDB, паведамляе sdb.by.

Месцам святкавання стане салезіянская пляцоўка ў Жупранах, дэвізам будуць словы: “Маргарыта Окьена — маці і настаўніца св. Яна Боско, першы супрацоўнік ля вытокаў Салезіянскай Сям’і”.

Пры жыцці святога Ян Боско яго імяніны адзначаліся вельмі ўрачыста, бо кожны з выхаванцаў і сяброў справы салезіянскага выхавання жадаў у гэты дзень падзякаваць Богу праз асобу кс. Боско за дар салезіянскай харызмы ў Каталіцкім Касцёле.

Расклад святкавання:

• 11.00 – Рэгістрацыя ўдзельнікаў

• 12.00 – Святая Імша пад кіраўніцтвам кс. Віктара Гайдукевіча SDB

• 13.30 – Супольны абед

• 14.30 – Святочная праграма з нагоды Дня еднасці Салезіянскай Сям’і

• 16.00 – Завяршэнне і зварот да сабраных кс. Віктара Гайдукевіча SDB

для друку для друку