- Каталіцкі Веснік - http://catholicnews.by -

Рэкламны конкурс Чэхіі выйграла «аб’ява ад Езуса»

[1]

Рэкламны плакат

Нядаўна айцец салезіянін, каталіцкі святар Марцін Гобза, пробашч парафіі св. Тэрэзы ад Дзіцятка Езус на ўскраіне Прагі, выйграў нацыянальны конкурс «Залатое пяро — 2018» на лепшы рэкламны тэкст года.

Сціплы плакат з простым тэкстам быў размешчаны на сцяне парафіяльнай святыні ў пражскім раёне Кабылісы і адразу стаў папулярны ў сацыяльных сетках.

Тэкст рэкламнага плаката выглядае так: «Аб’ява. Канчатковая станцыя становіцца перасадачнай. Змена сапраўдная ад дня Вялікадня назаўжды. Па падрабязнасці звярніцеся ў бліжэйшы храм». І подпіс — Езус з Назарэта.

Як паведамляе чэшская прэса, для ўдзелу ў нацыянальным конкурсе «Залатое пяро» прымаюцца не класічныя аб’явы — абавязковай умовай з’яўляецца тое, што аўтар спрабуе ў чымсьці пераканаць або паўплываць на стаўленне грамадскасці.

katolik-gomel.by [2]