[1]18 жніўня ў Браславе распачаліся ўрачыстасці Маці Божай Валадаркі азёраў.
На свята ў санктуарый прыйшлі першыя пілігрымы з Мёраў. Разам з вернікамі ў паломніцтве ішоў ксёндз Крыштаф Міянкіна. Паломнікаў каля святыні прывітаў біскуп Алег Буткевіч.
Усяго з мёрскай парафіі прыйшло 37 чалавек. Вернікі пераадолелі шлях у 40 кіламетраў.
Пілігрым Аляксандр Сінкевіч расказаў, што прыйшоў у Браслаў, каб памаліцца за сваіх блізкіх і родных, сяброў. Сюды хлопец прыходзіць ужо шосты раз.
Ірына Радзевіч, тэкст;
Зміцер Лупач, фота