Пантыфік паедзе на пацярпелыя ад землятрусаў тэрыторыі

16 чэрвеня Пантыфік здзейсніць падарожжа салідарнасці ў італьянскую дыяцэзію Камерына-Сансеверына-Марке, каб падтрымаць мясцовае насельніцтва, якое адбудоўвае рэгіён пасля землятрусаў.

У жніўні 2016 года вобласць Марке закрануў моцны землятрус магнітудай 6,0, у выніку якога загінулі каля 300 чалавек. Таксама ў студзені 2017 года тут былі зарэгістраваны штуршкі магнітудай 4,7.

У рамках свайго візіту ў Камерына Папа Францішак сустрэнецца з сем’ямі, якія пацярпелі ў выніку катаклізму і страцілі свае дамы, паразмаўляе з прадстаўнікамі ўладаў, наведае мясцовую катэдру, узначаліць святую Імшу на галоўнай плошчы горада, паабедае з духавенствам дыяцэзіі.

Інфармацыю распаўсюдзіла 6 красавіка Зала Друку Святога Пасаду.

Беларуская рэдакцыя Vatican News

для друку для друку