Музей Бібліі адкрыюць у Вашынгтоне ў 2017 годзе

museum-of-the-bible1Музей Бібліі адкрыюць у Вашынгтоне, акруг Калумбія, у 2017 годзе. Некамерцыйнай музей плошчай 430 тыс. квадратных футаў будзе знаходзіцца ў сталіцы ЗША ў двух кварталах ад Нацыянальнай гандлёвай алеі (National Mall) і ў трох кварталах ад Капітолія, паведамляе museumofthebible.org.

Музей прадставіць экспанаты з гісторыі Бібліі і інтэрактыўныя элементы, якія адлюстроўваюць біблейскія падзеі. Стварэнне музея дазволіць запрасіць усіх людзей у свет Бібліі — дзякуючы музейным экспанатам і навуковым заняткам.

Музей, які ствараецца на аснове унікальнай калекцыі сям’і мільярдэра Стыва Грына, члена адной з цэркваў Паўднёва-баптысткай канвенцыі, будзе адкрыты для ўсіх жадаючых — вернікаў і няверуючых.

З 2009 года пачала стварацца калекцыя біблейскіх артэфактаў, якія будуць прадстаўлены ў экспазіцыі музея. За гэты час, уключаючы 2014 год, перасоўныя выставы экспанатаў пабывалі ў пяці гарадах ЗША і трох краінах свету (у гарадах Ватыкан, Гавана, Ерусалім).

Гэта адна з найбуйнейшых у свеце прыватных калекцый рэдкіх біблейскіх тэкстаў, экспанатаў і артэфактаў, вядомая як Green Collection, і ўключае каля 40000 экспанатаў.

Такая буйная калекцыя будзе сабрана пад адным дахам ў Музеі Бібліі. Яна ўключае, у прыватнасці, клінапісныя таблічкі, якія датуюцца часам Абрагама, біблейскія папірусы і рукапісы, скруткі Торы, рэдкія друкаваныя Бібліі.

Будаўніцтва музея пачнецца неўзабаве.

krynica.info

для друку для друку