Ксёндз Валерый Орсік прызначаны Ганаровым Канонікам Віцебскай Катэдральнай Капітулы

9 чэрвеня падчас урачыстасці асвячэння новага касцёла ў Оршы канцлер Віцебскай дыяцэзіі кс. Віктар Місевіч зачытаў Дэкрэт біскупа Віцебскага Алега Буткевіча аб прызначэнні кс. Валерыя Орсіка Ганаровым Канонікам Віцебскай Катэдральнай Капітулы.

Біскуп Алег адзначыў кс. Валерыягэтым тытулам, улічваючы яго заслугі перад Касцёлам у Віцебскай дыяцэзіі, а асабліва руплівую і адданую працу пры будаўніцтве касцёла Беззаганнага Сэрца Найсвяцейшай Панны Марыі ў Оршы.

Носячы тытул Каноніка Віцебскай Катэдральнай Капітулы, святар атрымлівае ўсе правы і абавязкі, прапісаныя ў Статутах Віцебскай Катэдральнай Капітулы. Выконваючы гэтае заданне, ён павінен кіравацца гэтымі Статутамі, нормамі Кананічнага Права Каталіцкага Касцёла, а таксама распараджэннямі Біскупа Віцебскага.

Марына Сінкевіч

для друку для друку