Кс. Уладзіслаў Завальнюк: “Рыхтуемся да пілігрымкі ў Будслаў на гіраскутарах” (відэа)

Святар праехаў на прыладзе па крыпце храма і выклаў пра гэта ролік.

Пробашч Чырвонага касцёла ў Мінску (каталіцкая парафія святога Сымона і святой Алены на пл. Незалежнасці) зноў здзівіў. На сваёй старонцы ў Facebook ксёндз Уладзіслаў Завальнюк размясціў відэа, на якім адлюстравана, як ён едзе па крыпце храма на гіраскутары. Прычым, па прамой рухаецца па майстэрску, не трымаючыся рукамі за руль.

— Рыхтуемся да пілігрымкі ў Будслаў на гіраскутарах, — падпісаў відэа святар.

Гіраскутар — гэта папулярнае ў моладзі вулічны электрычны транспартны сродак, выкананы ў форме папярочнай планкі з двума коламі па баках. Прылада выкарыстоўвае электрарухавікі, сілкуецца ад электраакумулятара, і шэраг гіраскапічных датчыкаў для самабалансіроўкі і падтрымання гарызантальнага становішча пляцоўкі для ног.

У сярэднім зарадкі гіраскутара хапае на 20 км — прыкладна такую адлегласць праходзяць за дзень пілігрымы. Праўда, рухацца на ім можна толькі па роўнай дарозе. Таму толькі частку шляху, якая ідзе па асфальце, пілігрымы змаглі б пераадолець на гіраскутарах.

Але наогул, паведамленне пробашча Чырвонага касцёла, хутчэй за ўсё, з’яўляецца жартам. Штогод кс. Уладзіслаў узначальвае ў Будслаў пакутныя пілігрымкі — удзельнікі ідуць пешшу да абраза Маці Божай Будслаўскай, сілкуючыся толькі хлебам і вадой. У цэлым, у Будслаў штогод прыходзяць пешшу каля 2 тысяч пілігрымаў.

Рыхтуемся да пілігрымкі ў Будслаў на гіраскутэрах

Опубликовано Каноником Владислав Завальнюком Среда, 9 января 2019 г.

Паводле Katolik.life

для друку для друку