«Каталіцкі Веснік» распрацаваў гульню-самаклейку на Адвэнт для дзяцей

Прапануем увазе нашых чытачоў дзіцячую гульню-самаклейку на Адвэнт. Яе iдэя ў тым, каб заахвоціць дзяцей да больш руплівага перажывання часу чакання Божага Нараджэння. Гульня выканана, як мазаіка. Дзеткам неабходна запоўніць малюнак, наклейваючы каляровыя элементы на шаблон з контурамі малюнка.

Гульня-пазл на Адвэнт вельмі папулярная ў парафіях падчас раратаў, калі дзеці прыходзяць у касцёл і атрымліваюць ад сясцёр або святара яе элементы. Напрыканцы тыя, каму ўдалося сабраць увесь малюнак гульнi, атрымліваюць падарункі.

Але адвэнтовую гульню-самаклейку можна выкарыстаць і дома. Напрыклад, бацькі могуць патлумачыць дзецям аб неабходнасці зрабіць нейкі добры ўчынак: атрымаць добрую адзнаку ў школе, памыць посуд, выгуляць сабаку ці памагчы з урокамі браціку або сястрычцы. За кожны добры ўчынак дзіця атрымлівае элемент-самаклейку і запаўняе гульню. Такім чынам, зрабіўшы добрыя ўчынкі на працягу Адвэнту і сабраўшы ўсе пазлы, дзеці атрымліваюць асалоду ад гульні, разумеюць патрэбу дабра і канешне могуць разлічваць на падарунак ад мамы і таты.

Гульня-самаклейка на Адвэнт памерам А4 распрацавана ў рэдакцыі “Каталіцкага Весніка”. Мастачка – Вольга Будкіна з Глыбокага.

Каб замовіць гульню-самаклейку можна:

  1. Напісаць ліст у рэдакцыю па адрасе:
    вул. Савецкая, 1,
    211793 г. Глыбокае, Віцебская вобласць.
    У лісце абавязкова пазначце прозвішча, імя, поўны зваротны адрас з індэксам паштовым і колькасць.
  2. Патэлефанаваць па нумары +375 29 736 53 07 (з 9 да 18 гадзін, акрамя нядзелі).
  3. Напісаць нам на э-мэйл: katalickivesnik@gmail.com. У загалоўку ліста, калі ласка, пазначце тэму «Адвэнтовая гульня». І не забудзьце пазначыць прозвішча, імя, поўны зваротны адрас з індэксам паштовым і колькасць.
  4. Скласці замову праз суполку УКантакце.

Кошт гульнi-пазла 1 руб. Пры замове ад 10-ці штук кошт за гульню – 80 кап. У камплект гульні ўваходзіць: шаблон з контурамі на цвёрдым кардоне і каляровы малюнак-пазл на паперы-самаклейцы.

Гульня-самаклейка высылаецца накладзеным плацяжом. Пакупніку неабходна будзе аплаціць выдаткі Белпошты па перасылцы.

Рэдакцыя “Каталіцкага Весніка” усім жадае плённага Адвэнту!

для друку для друку