[1]Надышоў светлы час Нараджэння Езуса Хрыста. Кожны год у гэтыя чароўныя дні ўсё навокал пакрываецца прыгажосцю, запальваюцца свечы, дабрэюць сэрцы. У гэты час людзі як ніколі вераць у цуды, чакаюць іх і хочуць падараваць іх іншым.
Вось ужо некалькі гадоў запар, хлопчыкі і дзяўчынкі з гурта “Пухавіцкія пярлінкі” парафіі св. Антонія ў Мар’інай Горцы імкнуцца пераказваць гэты цуд Богаўцелаўлення іншым людзям.
Таму, 3 студзеня, паводле запланаванага падарожжа яны вырушылі да вернікаў з суседняй каталіцкай супольнасці горада Чэрвень.
Неперашкодзіла ім нават тое, што ў траскучы двадцаціградусны мароз аўтамабілі некаторых бацькоў нашых артыстаў не завяліся.
Як сапраўдныя вызнаўцы Хрыста, бацькі і дзеці ахвярна дапамагалі адзін аднаму дабрацца да свайго роднага касцёла у Мар’інай Горцы.
І вось а 9 гадзіне нядзельнай сонечнай раніцы члены касцёльнага вакальна-харэаграфічнага гурта са сваім пробашчам, катэхэткамі, гукааператарамі і акустычным абсталяваннем накіраваліся ў Чэрвень з цеплымі віншаваннямі і інсцэніроўкай пра Божае Нараджэнне.
Дзеці спадзяваліся што іх святочны канцэрт прынясе кожнаму, хто яго ўбачыць крышачку радасці, любові, святла і надзеі. Малыя артысты не толькі распавялі пра Божае Нараджэнне, але і цудоўна спявалі, танчылі, чыталі вершы і гралі на музычных інструментах.
І сапраўды гледачам усё вельмі спадабалася. Доўга пляскалі яны ў далоні, выклікаючы шмат разоў малых артыстаў “ на біс”. Ад гаспадароў спаткання неспадзявана выйшла нават прапанова прысвоіць гурту гасцей тытул «народны».
Дарэчы, ролю святога Сямейства выканала сям’я Алы і Сяргея Кучынскіх (аднафамільцы пробашча), с навароджаным сынам Аляксандрам.
Напрыканцы сустрэчы чэрвеньскія парафіяне шчыра падзякавалі за прыбыццё гасцям, пачаставалі гарачай гарбатай і цукеркамі і запрасілі прыязджаць яшчэ і яшчэ.
Добры настрой надоўга застанецца разам з ўсімі ўдзельнікамі гэтай сустрэчы.
-
[2]
-
[3]
-
[4]
-
[5]
-
[6]
-
[7]
-
[8]
-
[9]
-
[10]
-
[11]
-
[12]
-
[13]
-
[14]
-
[15]
Ала Кучынская, катэхэтка.