[1]Міжнародная экспазіцыя адкрываецца ў Нацыянальнай бібліятэцы ў Мінску.
20 верасня — 21 кастрычніка ў Нацыянальнай бібліятэцы Беларусі пройдзе міжнародная выстава «Беларусь і Біблія», прысвечаная самай вядомай і ўплывовай кнізе ў гісторыі чалавецтва. На выставе будуць дэманстравацца 170 унікальных рукапісных і друкаваных помнікаў кніжнай культуры, сабраных з 11 дзяржаўных і прыватных калекцый ЗША, Вялікабрытаніі і Ізраіля, а таксама прадастаўленыя Нацыянальнай бібліятэкай Беларусі.
Сярод экспанатаў:
— скруткі Мёртвага мора,
— самы старажытны фрагмент Новага Запавету,
— рэканструкцыя друкарскага станка Гутэнберга XV ст.,
— кнігі Гутэнберга, Марціна Лютара і Францішка Скарыны,
— гравюры Альбрэхта Дзюрэра, Гюстава Дорэ, Сальвадора Далі.
Некалькі раздзелаў выставы будуць прысвечаны гісторыі Бібліі ў Беларусі. На выставе будзе дзейнічаць інтэрактыўная пляцоўка для дзяцей, і друкарскі станок Гутэнберга, на якім кожны ахвотны зможа надрукаваць аркуш з Бібліі. Таксама ў межах выставы пройдуць займальныя і пазнавальныя экскурсіі і выступленні сусветна вядомых экспертаў.
На адкрыццё выставы, якое пройдзе 20 верасня, запрошаны вядомы хрысціянскі публіцыст і прапаведнік Джош Макдауэл, аўтар бестсэлераў «Не проста цясляр», «Бясспрэчныя сведчанні» і яшчэ 150 кніг.
Выстава працуе ў Музеі кнігі Нацыянальнай бібліятэкі Беларусі (пам. 347)
Час працы:
Аўторак, серада, пятніца: 10.30-19.00
Чацвер, субота, нядзеля: 10.00-18.00
Выхадны дзень — панядзелак
Адрас:
Мінск, прасп. Незалежнасці 116
Заказ экскурсій: тэл.(+375 17) 293-27-22, 293-28-53, 293-29-66