Душпастырства моладзі Віцебскай дыяцэзіі стварыла свой сайт

«Інтэрнэт ёсць дар Божы. Ён дае нам сапраўды бязмежныя магчымасці для чалавечага яднання і праявы салідарнасці», – гаворыцца ў тэксце паслання Папы Францішка да паствы з нагоды 50-га Сусветнага дня сацыяльных камунікацый.

Дарагая моладзь! У Душпастырства моладзі Віцебскай дыяцэзіі з’явілася свая інтэрнэт-старонка ddm-vicebsk.by, дзе змешчана ўся інфармацыя пра дзейнасць ДДМ. Тут вы знойдзеце шмат цікавага, а менавіта:

• наша праца для моладзі, мерапрыемсты, якія арганізоўваем і праводзім у дыяцэзіі;
• інфармацыя па парафіях Віцебскай дыяцэзіі (сустрэчы, Імшы з удзелам моладзі, спасылкі на сацыяльныя сеткі канкрэтных парафій);
• online-рэкалекцыі;
• youcat па-беларуску;
• спасылкі на нашы сацыяльныя сеткі (інстаграм, ВК, фэйсбук, ютуб);
• «Адвэнтовы каляндар».

Ужо заўтра распачынаецца Адвэнт — час радаснага чакання на прыйсце Збаўцы. Стварылі для вас «Адвэнтовы каляндар», дзе на кожны дзень Адвэнту будзе адкрывацца Слова Божае і заданне на дзень. Запрашаем сачыць за каляндаром і такім чынам рыхтаваць сваё сэрца да Божага Нараджэння.

У будучыні на старонцы будзе з’яўляцца інфармацыя адносна ўсіх мерапрыемстваў Душпастырства моладзі (дзе і калі, план, тэма і г.д.), новыя відэаролікі, youcat па-беларуску і не толькі.

Запрашаем на старонку Душпастырства! І не забудзь гэтай інфармацыяй падзяліцца ў сваіх сацыялных сетках.

Кс. Алег Хмылко, адказны за Душпастырства моладзі Віцебскай дыяцэзіі

 для друку