[1]Таварыства святога Францішка Сальскага прыняло ўдзел у дабрачыннай акцыі, накіраванай на падтрымку шматдзетных сем’яў горада Мінска, якую зладзіла адміністрацыя Ленінскага раёна 28 жніўня.
Мерапрыемства адбылося ў кінатэатры “Салют”. Рэлігійная місія разам з адміністрацыяй горада дапамагла дзецям падрыхтавацца да школы. На акцыю прыбыло шмат дзяцей разам са сваімі бацькамі. Для іх была падрыхтавана культурна-забаўляльная праграма, а таксама прагляд мультфільму.
Ад салезіян, з рук рэгіянальнага настаяцеля салезіянскага таварыства ксяндза Віктара Гайдукевіча SDB, дзеці атрымалі заплечнікі з канцылярскімі прыладамі, што дапаможа ім лепш падрыхтавацца да новага навучальнага года.
Варта адзначыць, што ў мінулым годзе салезіяне таксама дапамагалі бацькам падрыхтаваць дзяцей да школы.
sdb.by [2]