Адбудуцца анлайн-рэкалекцыі «Зыход — шлях да свабоды» на youtube-канале езуітаў

На youtube-канале езуітаў будуць арганізаваныя чарговыя анлайн-рэкалекцыі, іх зноў будзе праводзіць а. Віктар Жук SJ, і на гэты раз яны носяць назву «Зыход – шлях да свабоды».

Другая кніга ў Бібліі вельмі падыходзіць для таго, каб перад Богам паглядзець на духоўны шлях і асобнага чалавека, і наш шлях як супольнасці вернікаў, часткай якой кожны з нас з’яўляецца. Галоўным матывам кнігі Зыходу з’яўляецца тэма вызвалення: гэта гісторыя не толькі фізічнага выхаду з рабства і прыгнёту, але і шлях да ўнутранай свабоды. Гэты матыў вельмі блізка пераклікаецца з тым, што св. Ігнацый называе мэтай рэкалекцый – духоўных практыкаванняў.

Больш падрабязна аб гэтай сувязі і іншых падрабязнасцях гаворыцца ва ўводзінах да цыклу відэаролікаў, якія дапамогуць разважаць і маліцца над тэкстам кнігі Зыходу:

Пачынаючы з 29 кастрычніка, кожны вечар на працягу двух тыдняў будуць з’яўляцца новыя матэрыялы – тлумачэнні да тэксту і рэкамендацыі да малітвы. Можна праходзіць практыкаванні ў сваім рытме. Для таго, каб атрымліваць дадатковыя тлумачэнні і матэрыялы, трэба пакінуць свае дадзеныя ў форме:

тут

Тым, хто хацеў бы мець індывідуальнае суправаджэнне (г.зн. магчымасць дзяліцца пладамі вашай малітвы ў размове анлайн з кімсьці з каманды езуітаў і не толькі, задаваць пытанні і ўдакладненні, атрымліваць зваротную сувязь), прапануем запоўніць наступную форму (наколькі магчыма, мы пастараемся адказаць на кожны запыт):

фармуляр

Сардэчна запрашаем!

а. Віктар Жук SJ і каманда 

для друку для друку