- Каталіцкі Веснік - http://catholicnews.by -

14 гадоў таму памёр Ян Павел II

[1]“Дарагія браты і сёстры, у 21.37 наш улюбёны Святы Айцец Ян Павел II вярнуўся ў Дом Айца”, – такія словы прагучалі 2 красавіка 2005 года на плошчы святога Пятра, дзе сабраліся тысячы людзей.

З дня, калі была зачынена доўгая і незвычайная старонка гісторыі Касцёла і свету, сёння мінула 14 гадоў.

Бясспрэчны герой апошняй чвэрці XX стагоддзя, першы Папа паходжаннем з Усходняй Еўропы, быў абраны ў 1978 годзе, калі кантынент заставаўся падзеленым “жалезнай заслонай”. Яго пантыфікат, што пачаўся са слоў: “Не бойцеся! Адкрыйце, расчыніце насцеж дзверы Хрысту!”, доўжыўся 27 гадоў.

На пахаванні Пантыфіка вернікі заклікалі: “Santo Subito!”. Урачыстая кананізацыя Яна Паўла ІІ адбылася ў Рыме 27 красавіка 2014 года.

Беларуская служба Vatican News [2]